ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

साढे ४ अर्ब बराबरको शेयर कारोबार भएको बजारमा प्रभु लाइफको शेयरमूल्य १०% ले बढ्यो (२ बजेको अपडेट)

२०७७ पौष, २६  
लगानी नेप्से विश्लेषण
Image Not Found
author avatar अभियान संवाददाता

पुस २६, काठमाडौं । आइतवार कारोबार भएको तेस्रो घण्टामा नेप्से परिसूचक ३७ दशमलव ४८ अंकले बढेर २ हजार २३१ दशमलव ९६ विन्दुमा पुगेको छ । 

१ दशमलव ७१ प्रतिशतले बढेको बजारमा २०६ ओटा कम्पनीको रू. ४ अर्ब ५० करोड ७ लाख बराबरको शेयर खरीदविक्री भएको छ ।

कारोबारको तेस्रो घण्टामा प्रभु लाइफ इन्स्योरेन्सको शेयरमूल्य १० प्रतिशतले बढेको छ । त्यस्तै, नारायणी विकास बैंक, आरम्भ चौतारी लघुवित्त, कुमारी बैंक र कर्पोरेट डेभलपमेण्ट बैंकको शेयरमूल्य ९ प्रतिशतभन्दा बढीले वृद्धि भएको छ । 

यस अवधिसम्म प्रभु बैंकको सर्वाधिक कारोबार भएको छ । उक्त कम्पनीको रू. ३२ करोड ४१ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू. ४११ मा कारोबार भइरहेको छ ।

कारोबार रकमकै आधारमा सर्वाधिक कारोबार हुने दोस्रो कम्पनीमा कुमारी बैंक रहेको छ । उक्त कम्पनीको प्रतिकित्ता रू. २८९ मा रू. २१ करोड ६ लाख बराबरको शेयर खरीदविक्री भएको छ ।

तेस्रो घण्टामा कारोबारमा आएका १२ ओटा समूहको परिसूचकमध्ये निर्जीवन बीमा समूहको परिसूचक शून्य दशमलव शून्य ७ प्रतिशतले घटेको छ भने बाँकी बैंकिङ, व्यापार, होटल्स, विकास बैंक, जलविद्युत, वित्त, उत्पादन तथा प्रशोधन, अन्य, लघुवित्त, जीवन बीमा र म्युचुअल फण्ड समूहको परिसूचक बढ्दा समग्र नेप्से बढेको हो । 

प्रतिक्रिया [0]
प्रतिक्रिया दिनुहोस्