ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

पोखरा उद्योग वाणिज्य संघको अध्यक्षमा नारायण कोइराला विजयी

२०७७ पौष, २६  
गण्डकी प्रदेश
Image Not Found
author avatar नरहरि पौड्याल

पुस २६, कास्की । पोखरा उद्योग वाणिज्य संघको अध्यक्षमा नारायण कोइराला विजयी भएका छन् । संघको शनिवार भएको मतदानमा अध्यक्ष कोइराल सहित उनको प्यानलले वर्चस्व कायम गरेको छ । 

अध्यक्षमा कोइराला १ हजार ३ सय ७५ मत प्राप्त गरेर विजयी भएका छन् भने उनका निकतम प्रतिद्वन्दद्वी विन्दु कोइराला सुवेदी ९ सय ६५ मत ल्याएर पराजित भएकी छन् । अध्यक्षमा निर्वाचित कोइराला निवर्तमान वरिष्ठ उपाध्यक्ष हुन् । पराजित सुवेदी निवर्तमान उद्योगतर्फकी उपाध्यक्ष हुन् । 

निर्वाचनमा कोइराला प्यानलका अधिकांश सदस्य विजयी भएका छन् । खुला १० सदस्यीय पदका लागि कोइराला प्यानलका ७ जना विजयी भएका छन् । सुवेदी प्यानलबाट १ र स्वतन्त्र २ जना उमेदवार विजयी भएका छन् ।

कोइराला प्यानलकी शोभा गौतम सर्वाधिक १ हजार ७ सय मत प्राप्त गरेर सदस्यमा निर्वाचित भएकी छन् । त्यस्तै कोइराला प्यानलकै देवेन्द्र केसी १ हजार ६ सय ८५, कुमारी मुना बास्तोला १ हजार ६ सय २६ मत ल्याएर विजयी भएका छन् ।
संघको अन्य सदस्यमा हरिराज पन्त १ हजार ३ सय ८८, भरत केसी १ हजार ३ सय २३, दीनेशचन्द्र बास्तोला १ हजार २ सय ८२ र सुदन बहादुर कोइरालाले १ हजार २ सय ३८ मत प्राप्त गरेर विजयी भएका छन् ।

विन्दु कोइराला सुवेदी प्यानलकी पवित्रादेवी गुरुङ १ हजार २ सय ४१ मत प्राप्त गरी विजयी भएकी छन् । स्वतन्त्र उम्मेदवार उत्तममान बुद्धाचार्य १ हजार ५ सय ९७ र सुदीप प्रधानांग १ हजार ४ सय १४ मत प्राप्त गरेर विजयी भएका छन् ।

त्यस्तै, यसअघि सदस्य पदको वस्तुगततर्फ ४ जना विजयी भएका छन् । निर्वाचनमा विजयी हुनेहरूमा बालकृष्ण कोइराला, राजेन्द्र गुभाजु, बलराम तिमिल्सिना र रुपनारायण भुजेल रहेका छन् । 
शनिवार सम्पन्न निर्वाचनको मत गणना आइतबार बिहान १० बजेबाट शुरू भएको थियो । कुल ३ हजार १५४ मतदाता रहेको संघमा २ हजार ३६५ (७४.९८ ) प्रतिशत मत खसेको थियो ।
 

प्रतिक्रिया [0]
प्रतिक्रिया दिनुहोस्