ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

२० मेगावाटको न्यादी अब २६ मेगावाट

२०७७ पौष, २८  
१० वर्ष अघि
NA

विद्युत् खरिद सम्झौता गर्न ढिलाइ भए पनि निजी क्षेत्रको न्यादी जलविद्युत् परियोजनाले सन् २०१४ सम्ममा २६ मेगावाट विद्युत् उत्पादन गर्ने भएको छ । आयोजनामा बुटवल पावर कम्पनीको मुख्य लगानी रहेको छ । सुुरुमा २० मेगावाट उत्पादन गर्ने लक्ष्य राखिएको यो परियोजनाका लागि ४ करोड ९० लाख अमेरिकी डलर खर्च लाग्ने प्रारम्भिक अनुमान थियो । २० मेगावाट मात्रै उत्पादन गर्न प्रतिफल दिन नसक्ने भएपछि सोही स्थानमा निर्माणाधीन न्यादी ग्रुप प्रालिको सिउदीखोला जलविद्युत् आयोजनाबाट आउने पानी प्रयोग गरी ६ मेगावाट थप उत्पादन गर्ने योजना बनाइएको हो । २६ मेगावाटको कुल ५ करोड २० लाख अमेरिकी डलर लाग्ने अनुमान गरिएको छ । योजनामा बुटवल पावर कम्पनी लिमिटेड र स्थानीय लमजुङ कम्पनीले संयुक्त रूपमा २० प्रतिशत लगानी गरेका छन् । ८० प्रतिशत लगानी भने बुटवल पावर कम्पनीमार्फत ऋणका रूपमा विभिन्न स्वदेशी बैकहरूले ऋण लगानी गर्नेछन् ।

परियोजना निर्माणस्थल लमजुङ सदरमुकाम बेसीसहरदेखि १२ किलोमिटर दुरीमा रहेको बाहुनडाँडा गाविसमा पर्छ । परियोजनाको बाँधदेखि ड्यामसम्म टनेलको लम्बाइ ४ किलोमिटर रहेको छ ।

हाल नेपाल विद्युत् प्राधिकरणले २५ मेगावाट भन्दा कम विद्युत् उत्पादन गर्ने कम्पनीसँग हिउँदमा प्रतियुनिट ७ रुपैयाँ र वर्षामा ४ रुपैयाँका दरले विद्युत् खरिद सम्झौता गर्दै आएको छ । २५ मेगावाटभन्दा माथिको हकमा भने आपसी सहमतिका आधारमा खरिद मूल्य निर्धारण गरिन्छ । सन् २००३ यता पीपीए दरमा कुनै परिवर्तन भएको छैन ।

अंक ३७, २०६७, जेठ ३–९

प्रतिक्रिया [0]
प्रतिक्रिया दिनुहोस्