ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

पहिलो घण्टामा १८.६३ अंकले बढ्यो नेप्से परिसूचक (१२ बजेको अपडेट)

२०७७ माघ, ४  
लगानी नेप्से विश्लेषण
Image Not Found
author avatar अभियान संवाददाता

माघ ४, काठमाडौं । साताको पहिलो कारोबारको दिन आइतवार कारोबार भएको पहिलो घण्टामा नेप्से परिसूचक १८ दशमलव ६३ अंकले बढेर २ हजार ३०५ दशमलव १८ विन्दुमा पुगेको छ ।   

२ हजार २९९ दशमलव ३४ विन्दुबाट शुरु भएको बजार कारोबारको पहिलो घण्टामा शून्य दशमलव ८२ प्रतिशतले बढेको हो ।  

पहिलो घण्टाको अवधिमा १९७ ओटा कम्पनीको १४ हजार ६४९ पटकको कारोबारमा ३७ लाख १९ हजार ५७१ कित्ता शेयरको रू. १ अर्ब ७७ करोड २५ लाख २४ हजार बराबरको खरीदविक्री भएको छ ।

पहिलो घण्टामा कारोबारमा आएका १२ ओटा समूहको परिसूचकमध्ये वित्त र निर्जीवन बीमा समूहको परिसूचक शून्य दशमलव १ र शून्य दशमलव ४८ प्रतिशतले घटेको छ भने बाँकी बैंकिङ, व्यापार, होटल्स, विकास बैंक, जलविद्युत, उत्पादन तथा प्रशोधन, अन्य, लघुवित्त, जीवन बीमा र म्युचुअल फण्ड समूहको परिसूचक बढेको छ ।

कारोबारको पहिलो घण्टामा नारायणी विकास बैंक, गुराँस लघुवित्त, कर्पोरेट डेभलपमेण्ट बैंक, आरम्भ चौतारी लघुवित्त, कामना सेवा विकास बैंक, हाइड्रोइलेक्ट्रीसिटी एण्ड इन्भेष्टमेण्ट र प्रभु लाइफको शेयरमूल्य ९ प्रतिशतभन्दा बढीले वृद्धि भएको छ । 

यस अवधिसम्म नेपाल दूरसञ्चार कम्पनीको सर्वाधिक कारोबार भएको छ । उक्त कम्पनीको रू. २७ करोड ४५ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू. १ हजार ३४५ मा कारोबार भइरहेको छ ।

प्रतिक्रिया [0]
प्रतिक्रिया दिनुहोस्