पुस मसान्तसम्ममा सानिमा इक्विटी फण्डको एनएभी बढ्यो

अभियान संवाददाता

माघ ११, काठमाडौं । सानिमा म्युचुअल फण्ड अन्तर्गत सञ्चालित सानिमा इक्विटीफण्डले पुसम मसान्तसम्मको  अपरिष्कृत वित्तीय विवरण आइतवार  सार्वजनिक गरेको छ ।

उक्त वित्तीय विवरण अनुसार फण्डको एनएभी (प्रतिइकाई खुद सम्पत्तिको मूल्य) मंसिर मसान्तको तुलनामा पुस मसान्तमा वृद्धि भएको छ । फण्डको एनएभी पुस मसान्तमा रू. १६ दशमलव ३६ पुगेको हो । 

मंसिर मसान्तमा एनएभी रू. १४ दशमलव ८७ थियो ।  पुस मसान्तसम्ममा फण्डले लगानी गरेको कम्पनीहरुको शेयर मूल्यमा वृद्धि भएसँगै एनएभीमा पनि वृद्धि भएको हो । 

 एनएभीसँगै फण्डको नाफामा पनि वृद्धि भएको छ । फण्डले मंसिर मसान्तसम्ममा रू. ५४ करोड ३८ लाख नाफा कमाएकोमा पुस मसान्तसम्ममा वृद्धि भएर रू. ७३ करोड ७५ लाख ४० हजार पुगेको हो । 

त्यसैगरी उक्त फण्डले पुस मसान्तसम्ममा सूचीकृत तथा सूचीकृत नभएका शेयरमा गरेको लगानीको लागत मूल्य रू. ९६ करोड ३१ लाख ५७ हजार रहेकोमा यसको बजार मूल्य रू. १ अर्ब ७३ करोड ९४ लाख पुगेको हो ।

पछिल्लो समय शेयर बजार बढेसँगै फण्डले लगानी गरेका कम्पनीहरुको शेयर मूल्य बढेसँगै  फण्डको नाफा र एनएभीमा  वृद्धि भएको हो ।
 

प्रतिक्रिया [0]

प्रतिक्रिया दिनुहोस्