ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

२४४०.८७ विन्दुमा नेप्से परिसूचक, नागरिक लगानी कोषको शेयरमूल्यमा उच्च वृद्धि 

२०७७ माघ, १२  
लगानी नेप्से विश्लेषण
Image Not Found
author avatar अभियान संवाददाता

माघ १२, काठमाडौं । सोमवार नेप्से परिसूचक १६ दशमलव शून्य ४ अंक बढेर २ हजार ४४० दशमलव ८७ विन्दुमा पुगेको छ ।

यो दिन सेन्सेटिभ इन्डेक्स भने शून्य दशमलव २४ अंक घटेर ४५१ दशमलव ८२ विन्दुमा झरेको छ । आइतवार ५० दशमलव २० अंकले बढेर २ हजार ४२४ दशमलव ८४ विन्दुमा बन्द भएको बजार सोमवार २ हजार ४४७ दशमलव शून्य २ विन्दुदेखि खुला भएको हो । यस दिन बजार २ हजार ४५५ दशमलव ३३ विन्दुसम्म पुगेको थियो ।

आइतवार ऐतिहासिक रेकर्ड कायम गर्दै रू. ९ अर्ब ३७ करोड ६० लाख ५३ हजार बराबरको शेयर कारोबार भएकोमा सोमवार कारोबार रकम भने कम भएको छ । यो दिन रू. ८ अर्ब ९० करोड ३५ लाख ३८ हजार बराबरको १ करोड ९२ लाख ८५ हजार ५०४ कित्ता शेयर कारोबार भएको हो ।

यो कारोबार २०८ ओटा कम्पनीको ७२ हजार ७७३ पटकको व्यापारमा भएको हो ।कुल कारोबारमा सर्वाधिक हिस्सा नेपाल लाइफ इन्स्योरेन्सले ओगटेको छ । उक्त कम्पनीको रू. ६० करोड ३७ लाख ४० हजार बराबरको शेयर कारोबार भएको हो ।

कम्पनीको लाभांश सुरक्षित गर्ने मंगलवार अन्तिम दिन रहेको छ । सोमवार कम्पनीको शेयरमूल्य स्थिर रही अन्तिम मूल्य रू. २ हजार ८४९ कायम भएको छ ।

यस दिन नेप्से परिसूचक बढेपनि कारोबारमा आएका १२ ओटा समूहमध्ये पाँच ओटा समूहको मात्र परिसूचक बढेको छ भने सात ओटा समूहको परिसूचक घटेको छ । व्यापारिक समूहको परिसूचक सर्वाधिक ३ दशमलव १४ प्रतिशतले बढेको छ भने बैंकिङको १ दशमलव ३९ प्रतिशत, निर्जीवन बीमाको शून्य दशमलव ६८ प्रतिशत, अन्यको १ दशमलव ६३ प्रतिशत र म्युचुअल फण्डको शून्य दशमलव ४२ प्रतिशत बढेको छ । 

यस दिन होटल समूहको १ दशमलव १८ प्रतिशत, विकास बैंकको शून्य दशमलव ८१ प्रतिशत, जलविद्युतको शून्य दशमलव १८ प्रतिशत, वित्तको शून्य दशमलव ५८ प्रतिशत, उत्पादन तथा प्रशोधनको शून्य दशमलव ३ प्रतिशत, लघुवित्तको १ दशमलव २१ प्रतिशत, जीवन बीमाको शून्य दशमलव ५२ प्रतिशत परिसूचक घटेको हो ।

सोमवार नागरिक लगानी कोषको शेयरमूल्य सर्वाधिक १० प्रतिशत बढेको छ । कोषको शेयरमूल्य प्रतिकित्ता रू. ३७९ ले बढेर अन्तिम मूल्य रू. ४ हजार १६९ पुगेको हो । यस दिन गुराँस लघुवित्तको शेयरमूल्य ९ दशमलव ९५ प्रतिशत, प्रभु लाइफको ९ दशमलव ८७ प्रतिशत, माउण्टेन इनर्जीको ९ दशमलव ८१ प्रतिशत, नेशनल हाइड्रोपावरको ९ दशमलव ४० प्रतिशत र हिमालयन पावर पार्टनरको ९ दशमलव ३८ प्रतिशत शेयरमूल्य बढेको छ ।

सोमवारको बजारमा श्री इन्भेष्टमेण्ट एण्ड फाइनान्स कम्पनीको शेयरमूल्य सर्वाधिक ६ दशमलव ९८ घटेको छ । उक्त कम्पनीको शेयरमूल्य प्रतिकित्ता रू. १८ ले घटेर अन्तिम मूल्य रू. २४० मा झरेको हो ।
 

प्रतिक्रिया [0]
प्रतिक्रिया दिनुहोस्