ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

घरेलु तथा साना उद्योग कार्यालय चितवनमा १२३१ उद्योग दर्ता 

२०७७ माघ, १३  
वाग्मती प्रदेश
Image Not Found
author avatar सूर्यप्रसाद अधिकारी

माघ १३, चितवन । आर्थिक वर्ष २०७७/७८ को ६ महीनामा घरेलु तथा साना उद्योग कार्यालय, चितवनमा एक हजार २३१ ओटा घरेलु उद्योग दर्ता भएका छन् । यसमध्ये सबैभन्दा बढी ८ सय ९२ वटा कृषि तथा वनमा आधारि उद्योग दर्ता भएका छन् भने सबैभन्दा कम १ सय ९ उत्पादनमूलक उद्योग दर्ता भएका छन् । 

यसैगरी सेवामूलक उद्योग ११० ओटा, पर्यटनमूलक उद्योग १२० ओटा दर्ता भएका छन् । यस आवमा कार्यालयमा ऊर्जामूलक उद्योग, खनिजजन्य, निर्माणमूलक र सूचना प्रवधि उद्योगहरू दर्ता भने भएको छैन । 

चालू आर्थिक वर्षमा चितवनको घरेलु तथा साना उद्योग कार्यालय दर्ता भएका उद्योगमध्ये महिला र पुरुष उद्यमीले  बराबरी संख्यामा उद्योग दर्ता गरेको पाइएको छ । सो अवधिमा ६९७ जना पुरुष उद्यमी रहेका छन् भने महिला उद्यमीको संख्या ६७८ रहेको छ । तर दर्ता भएका उद्योगमध्ये कृषि तथा वनजन्य उद्योगमा महिला उद्यमीको संख्या बढी छ, जसअनुसार यस शीर्षकमा ९६१ उद्योगमा ४८४ महिला उद्यमी रहेका छन् भने ४७४ पुरुष उद्यमी रहेका छन ।

यस्तै पर्यटनमूलक उद्योगमा दर्ता भएका उद्योगमध्ये ८५ ओटा महिला उद्यमीको नाममा दर्ता भएको छ भने ४० ओटा पुरुष उद्यमीको नाममा दर्ता भएको छ । यस्तै सेवामूलक उद्योमा महिला उद्यमीको संख्या ६०, पुरुषको ६५, उत्पादनमूलक उद्योगमा महिलाको ४९ ओटा, पुरुषको ११३ ओटा उद्योग दर्ता भएको छ । अन्य शीर्षकमा उद्योग दर्ता भएको देखिँदैन । यी सबै उद्योगमा महिला र पुरुष रोजगारीको संख्या ३ हजार ८५५ छ ।

महिला र पुरुष उद्यमी बाहेक अन्य बांँकी उद्योगहरू प्रालि र साझेदारीमा उद्योगहरू दर्ता भएका हुन् । कार्यालयका प्रमुख यादवनाथ आचार्यले बन्दाबन्दी खुलेसंँगै उद्योग दर्ता गर्नेको संख्या उल्लेख्य रुपमा वृद्धि भएको बताए ।

‘हाल उद्योग दर्ता गर्ने महिला, पुरुष र अन्य स्वरोजगार बन्न चाहने छन्, उनले भने, ‘यसमध्ये पनि महिला उद्यमीको संख्या बढ्दै गएको पाएका छौं ।’ सरकारले पुरुषलाई भन्दा महिलालाई बढी प्राथमिकता दिएको र बैंकको ऋण, अनुदानमा सहज पुर्‍याएकाले महिला उद्यमीको संख्या क्रमशः बढ्दै गएको उनले बताए ।

यी उद्योगमध्ये पनि कृषि पशुपालनसम्बन्धी उद्योग महिलाका लागि बढी सहज र सरल हुने र अनुदान पनि सोही अनुपातमा बढी मिल्ने भएकोले कृषिजन्य उद्योगमा महिला उद्यमीको आकर्षण बढेको आचार्यको भनाइ छ । 

१ करोड ८८ लाख राजस्व संकलन 
कार्यालयले चालू आवको पुस मसान्तसम्म उद्योग दर्ता, नवीकरण, ठाउँ सारी, नामसारी, पूँजीवृद्धि, लगतकट्टा, प्रतिलिपि लगायत शीर्षकमा गरी १ करोड ८८ लाख ७० हजार रुपैयाँ राजस्व संकलन गरेको छ, जसअनुसार सबैभन्दा बढी कृषि तथा वन्य जन्य उद्योगमा १ करोड १३ लाख ७० हजार रुपैयांँ र सबैभन्दा कम पर्यटनमूलक उद्योगबाट १८ लाख ७२ हजार रुपैयांँ राजस्व सकलन गरेको छ ।

यस्तै कार्यालयले उत्पादनमूलक उद्योगबाट ३३ लाख ५९ हजार र सेवामूलक उद्योगबाट २२ लाख ६९ हजार रुपैयांँ राजस्व संकलन गरेको छ । कार्यालयमा हाल ५ लाखदेखि ५ करोडसम्म स्थिर पूंँजी भएका उद्योग दर्ता हुँदै आएका छन् । ५ लाख स्थिर पूँजीभन्दा कम भएका उद्योग स्थानीय तहमा दर्ता हुने गरेको छ । 

प्रतिक्रिया [0]
प्रतिक्रिया दिनुहोस्