ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

१ एमडीबी घोटाला : गोल्डम्यान श्याख्सका हाकिमको तलब सुविधामा १ करोड डलर कटौती 

२०७७ माघ, १४  
अन्तरराष्ट्रिय
Image Not Found

माघ १४, न्यूयोर्क (अमेरिका) । अमेरिकी बहुराष्ट्रिय लगानी बैंक तथा वित्तीय सेवा प्रदायक कम्पनी गोल्डम्यान श्याख्सका प्रमुख कार्यकारी डेभिड सोलोमोनको तलब सुविधा १ करोड डलर घटाइने भएको छ । 

मलेशियाको रणनीतिक विकास कम्पनी १ मलेशिया डेभलपमेन्ट बहर्द (१एमबीडी) मा भएको भ्रष्टाचार घोटालामा बैंकको संलग्नताका कारण उनको तलब कटौती गरिएको हो । १एमबीडी मलेशिया सरकारको लगानी कोष हो । यसमा भएको भ्रष्टाचार गतिविधिका कारण मलेशियाली सरकारले अर्बौ डलर गुमाएको थियो । 

यही कान्डमा मलेशियाका पूर्व प्रधानमन्त्री नाजिब रजाकलाई १२ वर्ष जेल सजाय सुनाइएको छ । घोटालामा आफ्नो संलग्नतालाई गोल्डम्यान श्याख्सले संस्थागत असफलता बताएको छ । कम्पनीले लगानीकर्ताहरूलाई ऋणपत्र बेच्न सघाएर १एमडीबीका लागि साढे ६ अर्ब डलर उठाउन सहयोग गरेको थियो । 

सन् २०१२ र सन् २०१३ मा ऋणपत्र विक्री व्यवस्थापन गरेबापत बैंकले करीब ६० करोड डलर लिएको थियो । तर ऋणपत्रबाट उठेकोमध्ये अधिकांश रकम अपचलन भयो । १एमडीबीमा ठगीको संकेतलाई गोल्डम्यानका कार्यकारीहरुले वेवास्ता गरेको आरोप अभियोजनकर्ताहरुले लगाएका छन् । 

यस घोटालामा गोल्डम्यानका दुई बैंकरमाथि फौजदारी मुद्दा लगाइएको छ । सन् २०२० मा सोलोमनले तलब सुविधा घटेर १ करोड ७५ लाख डलरमा आएको बताइएको छ । उनको तलब सुविधामा न्यूनतम् नगद तलब २० लाख डलर, नगद बोनश ४६ लाख ५० हजार डलर र शेयरमा आधारित भत्ता बापत १ करोड ८ लाख ५० हजार डलर रहेको थियो । 

१एमडीबी घोटालामा गोल्डम्यानले अक्टोबरमा ४ ओटा देशका अधिकारीहरुसँग करीब ३ अर्ब डलर भुक्तानी गर्ने सहमति गरेको थियो ।

१एमडीबीमा आफ्नो संलग्नताका कारण वर्षौदेखि अमेरिका, बेलायत, सिंगापुर, मलेशिया र हङकङ लगायत विविध देशका नियामकहरुले कम्पनीमाथि अनुसन्धान गरेका थिए । १एमडीबीमा संलग्नताकै कारण बैंकलाई ५ अर्ब डलरभन्दा बढीको घाटा समेत भइसकेको छ । एजेन्सी

प्रतिक्रिया [0]
प्रतिक्रिया दिनुहोस्