ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

खुद ब्याज आम्दानी र सञ्चालन नाफा घटेसँगै रिलायन्स फाइनान्सको नाफा घट्यो

२०७७ फागुन, ४  
लगानी
Image Not Found
author avatar अभियान संवाददाता

फागुन ४, काठमाडौं । रिलायन्स फाइनान्स कम्पनीले चालू आवको दोस्रो त्रैमासीक वित्तीय विवरण मंगलवार सार्वजनिक गरेको छ । उक्त वित्तीय विवरण अनुसार कम्पनीको नाफा गत आवको दोस्रो त्रैमासको तुलनामा चालू आवको सोही अवधिमा ८७ प्रतिशतले कमी आएको छ । 

कम्पनीले गत आवको दोस्रो त्रैमासमा रू. ६ करोड २२ लाख नाफा कमाएकोमा चालू आवको सोही अवधिमा घटेर रू. ७७ लाख २८ हजारमा सीमित भएको हो ।  

चालू आवको दोस्रो त्रैमासमा कम्पनीको खुद ब्याज आम्दानी र सञ्चालन नाफा कमि आएसँगै नाफा घटेको हो । साथै, कम्पनीको निष्क्रिय कर्जा बढेकाले पनि नाफा घटेको देखिन्छ । गत आवको दोस्रो त्रैमासमा कम्पनीको निष्क्रिय कर्जा १ दशमलव ६६ प्रतिशत रहेकोमा चालू आवको दोस्रो त्रैमासमा बढेर ४ दशमलव ७९ प्रतिशत पुगेको छ । 

चालू आवको दोस्रो त्रैमासमा कम्पनीको वितरणयोग्य नाफा रू. ३ करोड ७५ लाख रहेको छ । चुक्तापूँजी रू. ८३ करोड २४ लाख रहेको कम्पनीले जगेडा कोषमा रू. १८ करोड ७९ लाख, रिटेन्ड अर्निङमा रू. १५ करोड ३९ लाख र शेयर प्रिमियममा रू. ११ लाख ४१ हजार सञ्चित गरेको छ । 

प्रतिशेयर आम्दानी रू. १ दशमलव ८६, मूल्य आम्दानी अनुपात १०५ दशमलव ०२, तरलता अनुपात २८ दशमलव ९३ र प्रतिशेयर नेटवर्थ रू. १४१ दशमलव २२ पुगेको हो ।

प्रतिक्रिया [0]
प्रतिक्रिया दिनुहोस्