ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

पर्यटकीय क्षेत्रको रुपमा विकास गरिँदै कमला सिँचाइको मूलद्वार

२०७७ फागुन, ७  
प्रदेश ०२
Image Not Found

फागुन ७, सिरहा । सिरहाको कर्जन्हा नगरपालिका–२ स्थित कमला सिँचाइको पूर्वी मूलद्वारलाई पर्यटक क्षेत्रको रुपमा विकास गर्न लागिएको छ । 

सरकारले मनाउन लागेको पर्यटन वर्षलाई फलदायी बनाउने उद्देश्यले कमला सिँचाइ व्यवस्थापन कार्यालय धनुषाले कमला सिँचाइको पूर्वी मूलद्वारलाई पर्यटकीय क्षेत्रको रुपमा विकास गर्न लागेको हो ।

‘पछिल्लो समय कमला सिँचाइको पूर्वी मूलद्वारमा घुमफिर गर्नेदेखि वनभोज गर्न आउनेको संख्या बढ्दै गरेको छ’, बन्दीपुरका स्थानीय राजकुमार लामाले भने, ‘पहिला पहिला त्यहाँ खासै सर्वसाधारणको चहलपहल थिएन्, तर पर्यटकलाई आकर्षित गर्न त्यहाँ भौतिक संरचना निर्माण गरिएपछि विस्तारै चहलपहल बढ्न थालेको छ ।’

कमला नदीबाट सिँचाइ गर्न बनाइएको सिँचाइ आयोजनाको मूलद्वारमा आन्तरिक पर्यटक आउने गरेकाले त्यो स्थानलाई पर्यटकीय क्षेत्रको रुपमा विकास गर्ने योजना ल्याएको कमला सिँचाइ व्यवस्थापन कार्यालय धनुषाका प्रमुख विनयकुमार गामीले जानकारी दिए । 

‘धार्मिकस्थलको रुपमा समेत परिचित कमला नदीमा नुहाउन आउने श्रद्धालु बढ्दै गएको छ’, प्रमुख गामीले भने, ‘त्यसैले सो स्थानलाई आर्थिक वर्ष २०७६÷०७७ देखि नै पर्यटकीय क्षेत्रको रुपमा विकास गर्न लागेका छौँ ।’ यसबाट आन्तरिक पर्यटकसँगै बाह्य पर्यटकसमेत आउने विश्वास लिइएको प्रमुख गामीको भनाइ छ ।

पूर्व पश्चिम लोकमार्गअन्तर्गत बन्दीपुरदेखि करीब एक किलोमिटरको दूरीमा रहेको सो क्षेत्रमा करीब रू. २० लाखको लागतमासडक ग्राभेल, पोखरी निर्माण, नहर वरिपरि आकर्षक घाँसको चपरी, वृक्षरोपण, रङरोगन, रेलिङ, पर्यटक बस्ने कुर्सी निर्माण गरिएको प्रमुख गामीले बताए । प्रमुख गामीका अनुसार चालू आर्थिक वर्षभित्र बन्दीपुरदेखि करीब एक किलोमिटर सडकलाई कालोपत्र गरिने छ । 

सो स्थलमा नयाँ निर्माण गरिएको पोखरीमा डुंगा राख्ने योजनासमेत रहेको कमला सिँचाइ व्यवस्थानप कार्यालयले जानकारी दएको छ । चुरेको फेदमा रमणीयस्थलको रुपमा रहेको सोस्थलमा पहाड क्षेत्र खोला, मूलगेट निर्माण गरिएको छ ।

आन्तरिक र बाह्य पर्यटकलाई आकर्षित गर्न बनाइएका संरचनासँगै किसानलाई बाह्रै महीना मौसमी, बेमौसमी तरकारी खेती गर्न नर्सरी माइनर योजनाअन्तर्गत कुलोसमेत निर्माण गरिएको प्रमुख गामीले बताए । 

करीब ५०० बिघा क्षेत्रफलमा फैलिएको सो क्षेत्रका किसानका खेतमा जेठसम्म सिँचाइ पु¥याउने लक्ष्यका साथ कुलोसमेत निर्माण गरिएको छ । यसबाट खेती गर्न असाध्यै सहयोग पुगेको किसानको कथन छ । रासस

प्रतिक्रिया [0]
प्रतिक्रिया दिनुहोस्