ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

सेयर बजारमा तीनपटक सर्किट ब्रेक

२०७७ फागुन, १६  
१० वर्ष अघि
NA

नेपाल स्टक एक्सचेन्ज (नेप्से) मा लामो समयपछि आइतबार तीनपटक सर्किट ब्रेकर लागेको छ । आइतबार दिउँसो बाह्र बजे खुलेको बजारमा बाह्र बजेर ४२ मिनेट जाँदा नेप्से परिसूचक तीन प्रतिशतले घटेपछि पन्ध्र मिनेटका लागि कारोबार स्थगन गरिएको थियो । दोस्रो पटक १५ मिनेटपछि बाह्र बजेर ५८ मिनेट जाँदा खुलेको बजार पुनः चार प्रतिशतले बढेपछि एक बजेर ११ मिनेट जाँदा आधा घण्टाको लागि कारोबार बन्द गरियो । घण्टापछि एक बजेर ४१ मिनेट जाँदा खुलेको बजार फेरि दुई नबज्दै पाँच प्रतिशतले बढेपछि तेस्रोपटक दुई बजेट बजार दिनभरिका लािग नै बन्द गरियो । अन्य दिनमा मध्यान्न बाह्रो बजेदेखि तीन बजेसम्म खुला रहने नेपाली शेयर बजार आइतबार एक घण्टा पहिला नै बन्द भएको हो । आइतबार कारोबार भएका सबै समूहका परिसूचक बढेपछि तीन घण्टाको अवधिमा नै नेप्से परिसूचक करिब २७ अंकले वृद्धि भएको थियो । बिहीबार बजार बन्द हुँदा नेप्से परिसूचक ४ सय ७९ दशमलव ४ अंकमा थियो । आइतबार सबैभन्दा बढी जलविद्युत् समूहको परिसूचक ४० दशमलव ५४ अंकले बढेको थियो । त्यसलाई पछ्याउँदै बैंकिङ समूहको परिसूचक ३५ दशमलव ६६ अंकले बढेको थियो । त्यसपछि अन्य समूह, विकास बैंक समूह र वित्त कम्पनी समूह पनि क्रमशः २१ दशमलव १५, १७ दशमलव ३९, र ६ दशमलव ४९ अंकले बढेको थियो ।

वर्ष ५, अंक ३९, २०६७, जेठ १७–२३

 

प्रतिक्रिया [0]
प्रतिक्रिया दिनुहोस्