ई –पेपर | विज्ञापन | ग्राहक बन्नुहोस | Podcast
arthik abhiyan
Real Dabur NepalApache RTR 200 ABS

२ सय क्वीन्टल मार्सी चामल किन्दै खाद्य कम्पनी

२०७७ फागुन, २८  
समाचार
Image Not Found
author avatar प्रशान्त खड्का

काठमाडौं । खाद्य व्यवस्था तथा व्यापार कम्पनी लिमिटेडले जुम्लाको २ सय क्वीन्टल मार्सी चामल खरीद गर्ने भएको छ । यसअघि दुई चरणमा मार्सी चामल खरीद गरेर विक्री गरिसकेको कम्पीले यसपटक पुनः उक्त परिमाणको मार्सी चामल खरीद गर्ने तयारी थालेको हो । स्थानीयस्तरमा उत्पादित खाद्यान्न खरीद गरी त्यसको ब्राण्डिङ तथा प्रवद्र्धनमा कम्पनी लागेको छ ।

कम्पनीले २ सय क्वीन्टल मार्सी खरीदका लागि फागुन ३ गते सूचना निकालेर ठेक्का आह्वान गरेको छ । ठेक्का परेपछि कर्णाली प्रदेशको सुर्खेतबाट चामल खरीद गरी काठमाडौंमा ल्याएर ‘नेपाल फुड ब्राण्ड’मा प्रतिकिलो २२५ रुपैयाँका दरले विक्री गरिने कम्पनीकी सूचना अधिकारी शर्मिला न्यौपानेले जानकारी दिइन् ।

यसअघि कम्पनीले पहिलो लटमा २७ सय किलो मार्सी खरीद गरी विक्री गरिसकेको छ भने दोस्रो लटमा २६ सय ३० किलो मार्सी खरीद गरिएकोमा हालसम्म ३०१ किलो विक्री भइसकेको छ । दोस्रो लटको चामल विक्री यही फागुन १५ गतेदेखि शुरू भएको हो ।

कम्पनीले गत माघदेखि पहिलोपटक विक्री शुरू गरेको मार्सी चामलको हाल बजारमा उत्साहजनक र आशलाग्दो व्यापार भइरहेको कम्पनीले बताएको छ । बजारमा राम्रो व्यापार गर्न सफल हुँदै गएकाले भोलिका दिनमा उपत्यका बाहिर पनि यसको विक्री शुरू गर्ने योजना कम्पनीको छ ।

त्यसैगरी कम्पनीले ४९ हजार ५ सय क्वीन्टल मसिनो चामल समेत खरिद गर्न लागेको छ । सूचना अधिकारी न्यौपानेका अनुसार कम्पनीका बिर्तामोड, विराटनगर, लहान, वीरगञ्ज, भैरहवा, काठमाडौं, नेपालगञ्ज लगायत ९ शाखामार्फत चामल खरीद गरिनेछ ।

कम्पनीले स्टिम जिरा मसिनो, अरुवा साँवा, सोना मन्सुली, बासमती, कालामुनिया र स्टिम रिन्जत चामलको खरीद गर्ने बताइएको छ । चामल खरिदका लागि कम्पनीले ठेक्का आह्वान गरिसकेको छ । यस्तै उपभोक्ताको माग अनुसार सहुलियत मूल्यमा चामल, दाल, घीउ, कर्णालीको सिमी, फापर, गहुँ, इन्डक्सन चुल्हो, स्यानिटाइजर लगायत वस्तु विक्री गर्दै आएको छ ।

प्रतिक्रिया [0]
प्रतिक्रिया दिनुहोस्