ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

सुनको भाउ ओरालो लाग्ने क्रम जारी : बुधवार तोलामा ४०० को गिरावट

२०७७ चैत, १८  
बजार
Image Not Found
author avatar अभियान संवाददाता

चैत १८, काठमाडौं । नेपाली बजारमा बुधवार पनि सुन तथा चाँदीको मूल्य घटेको छ । स्थानिय बजारमा अघिल्लो कारोबारको दिन रू. ५०० ले ओरालो लागेको सुनको मूल्य बुधवार रू. ४०० ले ओरालो लागेको हो ।

नेपाल सुनचाँदी व्यवसायी महासंघका अनुसार बुधवार छापावाला सुन प्रतितोला रू. ८५ हजार ६०० मा कारोबार भएको छ । मंगलवार छापावाला सुनको मूल्य प्रतितोला रू. ८६ हजारमा कारोबार भएको थियो । मंगलवारको तुलनामा बुधवार छापावाला सुन प्रतितोला रू. ४०० ले घटेको हो ।

त्यसैगरी, तेजाबी सुन प्रतितोला रू. ८५ हजार १५० मा कारोबार भइरहेको छ । मंगलवार तेजाबी सुन प्रतितोला रू. ८५ हजार ५५० मा कारोबार भएको थियो । 

यस्तै, बुधवार चाँदीको मूल्य पनि घटेको छ । मंगलवार प्रतितोला रू. एक हजार २१५ मा कारोबार भएको चाँदी बुधवार प्रतितोला रू. एक हजार १९५ मा कारोबार भइरहेको छ । मंगलवारको तुलनामा बुधवार चाँदीको मूल्य रू. २० ले घटेको हो ।


 

प्रतिक्रिया [0]
प्रतिक्रिया दिनुहोस्