ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

बैतडीको सिगासमा भेटिएको फलाम खानीको उत्खनन शुरु        

२०७७ चैत, १८  
सुदूरपश्चिम प्रदेश
Image Not Found

चैत १८, बैतडी ।बैतडीको सिगासमा गाउँपालिकामा भेटिएको फलाम खानीको उत्खनन शुरु गरिएको छ ।

गाउँपालिका– १ को सुगरखाल भन्ने स्थानमा फलाम खानी भेटिएको सिगास गाउँपालिकाका अध्यक्ष हरिसिंह धामीले जानकारी दिए ।     
     
 यही चैत ८ गतेबाट फलाम खानीमा उत्खननको काम भइरहेको छ । सो फलाम खानीमा सुभम मिनिरल्स प्राइभेट कम्पनी तथा चीनको संयुक्त साझेदारीमा फलाम उत्खननको काम भइरहेको उनले बताए ।

सुभम मिनिरल्सले परीक्षणकालमा मात्रै करीब ८० प्रतिशत ढुङ्गामा फलाम भेटिएको बताएको छ । फलाम उत्खननका लागि वडा र गाउँपालिकाबाट सिफारिश दिएर काम शुरु भइसकेको हो । उनले चीनका विज्ञ टोली आएर खानी उत्खनन शुरु भएको छ बताएको छ ।     
     
फलाम खानीमा फलाम भेटिएको खबर आएको र केही दिनभित्र विद्युत् विस्तारको तयारीसमेत भइरहेको अध्यक्ष धामीले जानकारी दिए । फलाम खानी भेटिएसँगै सो ठाउँमा स्थानीयवासीले रोजगारी पाउने अपेक्षा गरिएको छ ।  

खानी भेटिएको स्थानमा ३३ केभी विद्युत् प्रसारण लाइन पुर्‍याउनेलगायतका काम पनि भइरहेका छन् । यसका साथै सडक स्तरोन्नति पनि गरिने बताइएको छ ।  रासस

प्रतिक्रिया [0]
प्रतिक्रिया दिनुहोस्