ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

इन्साइड ट्रेडिङ र मर्जरको हल्लाबाट शेयर बजारमा चलखेल

२०७७ चैत, २०  
पाठक विचार
NA

अजोड इन्स्योरेन्सले हकप्रद शेयर ल्याउने भएको छ । यो सूचना नेप्सेमा आउनुअघि नै केही लगानीकर्ताले पाएर बजारमा चलेखल भएको देखिन्छ । नेप्सेमा सूचना आउनुभन्दा १ दिन अघि यसको शेयरको कारोबार ठूलो संख्यामा भयो । यसमा इन्साइडर ट्रेडिङ भएको आशंका छ । भित्री सूचना चुहाएर केही व्यक्तिले बजारमा चलखेल गर्नु नै इन्साइडर ट्रेडिङ हो । यस्तो भएको पहिलोपटक होइन । सञ्चालक समितिको बैठकबाटै सूचना चुहाएर बजारमा चलखेल गर्ने गरेको समेत पाइन्छ ।

त्यस्तै पछिल्लो समय शेयरबजारमा चलखेल गर्नेहरूका लागि मर्जर बलियो हतियार बनेको छ ।

मर्जरको विषयलाई लिएर शेयरबजारमा धेरै चलखेल भएको छ । नबिल बैंकसँग एनसीसी बैक मर्ज हुने भनेर हल्ला फिँजाइयो । त्यसपछि नेपाल बंगलादेश नबिलमा मर्ज हुने हल्ला चलाइयो । त्यस्तै सिभिल बैंक पनि ठूलो बैंकसँग मर्ज हुने भन्दा हल्ला चलाइयो । यसरी मर्जरको हल्ला चलाएर मूल्य उचाल्ने काम भएको छ । यस्तो हल्लाको पछि लाग्दा नयाँ लगानीकर्ता डुब्न सक्छन् । त्योभन्दा पनि शेयरबजारप्रति अविश्वास पैदा हुन सक्छ ।

त्यसैले मर्जरका बारेमा नियमन निकायले स्पष्ट नीति लिनुपर्ने देखिन्छ । आन्तरिक रूपमा नै मर्जर तथा प्राप्तिका लागि निर्देशन दिने तर सार्वजनिक रूपमा चर्चा गर्न नपाउने व्यवस्था गर्नु आवश्यक छ । यसमा नेपाल राष्ट्र बैंक र धितोपत्र बोर्डले विशेष ध्यान दिनु आवश्यक छ । ।

शेयरबजार भनेको हल्लाले प्रभावित पार्ने ठाउँ नै हो । तर, यसमा जथाभावी चलखेल गर्न दिइयो भने त्यसले ठूलो समस्या निम्त्याउन सक्छ । २० लाखभन्दा बढी व्यक्ति शेयर कारोबारमा लागेका देखिन्छन् । यी मध्ये केही सक्रिय लगानीकर्ता र केही निष्क्रिय लगानीकर्ता छन् । कुल बजार पूँजीकरण जीडीपीको बराबर भएको विश्लेषण विज्ञहरूको पाइन्छ ।

यस्तो अवस्थामा शेयरबजारमा हुने चलखेल रोक्न सकिएन भने नेपालको पूँजी बजारमा ठूलो समस्या आउन सक्छ । त्यसैले नियमनकारी निकायलाई सक्षम बनाउनुपर्छ । यिनीहरूले नियमनको दायरालाई बलियो बनाउनुपर्छ । तर, बारम्बार भइरहने शेयर बजारको घोटालाका बारेमा नेपालमा राम्रोसँग अध्ययन भएको छैन । अतः यसलाई गम्भीरताका साथ लिइनुपर्छ ।

मोहन थापा
सीतापाइला, काठमाडौं ।

प्रतिक्रिया [0]
प्रतिक्रिया दिनुहोस्