ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

पर्वतमा भूकम्पले भत्किएका ७३ ओटा विद्यालयको पुनर्निर्माण सम्पन्न

२०७७ चैत, २१  
गण्डकी प्रदेश
Image Not Found
author avatar रोशन तिवारी

चैत २१, पर्वत । पर्वतमा भूकम्पले भत्किएका ७३ ओटा विद्यालयको पुनर्निर्माण सम्पन्न भएको छ । राष्ट्रिय पुनर्निर्माण प्राधिकरण जिल्ला आयोजना कार्यान्वयन इकाई (भवन)ले भूकम्प गएको पाँच वर्षको अवधिमा पुनर्निर्माणको प्रगति सार्वजनिक गर्दै ७३ ओटा विद्यालयको पुनर्निर्माण सम्पन्न भएको जानकारी दिएको हो ।

पहिलो चरणमा सम्झौता भएका विद्यालयको पुनर्निर्माण सकिएपनि दोस्रो चरणमा सम्झौता भएका ७१ विद्यालयको पुनर्निर्माण गर्न बाँकी नै रहेको कार्यालयका प्रमुख युक्तप्रसाद शर्माले जानकारी दिए । 

जिल्लामा २०७२ साल वैशाख १२ को भूकम्पले भत्किएका १५३ ओटा विद्यालय पुनर्निर्माणको सूचीमा थिए । जिल्लामा १५३ ओटा विद्यालयको पुननिर्माण, ४४ ओटा विद्यालयको शौचालय र ४१ ओटा विद्यालयको खानेपानी योजनाको काम गर्नुपर्ने दायित्व कार्यालयसँग छ । कार्यालय प्रमुख शर्माले कोरोना संक्रमणका कारण गतवर्ष काम गर्न समस्या भएपनि कोरोना नियन्त्रण उन्मुख भएपछि विद्यालय पुनर्निर्माणले गति लिएको बताए । 

कोरोना नियन्त्रण पश्चात ३ ओटा विद्यालयले फिनिसिङको काम गरिरहेकाले यो महीनाभित्र काम सक्ने जानकारी दिएका छन् । आगामी पुष सम्ममा सबै विद्यालयको पुनर्निर्माण सक्नुपर्ने बाध्यता छ । पुनर्निर्माण प्राधिकरणको म्याद पुससम्म रहेको र त्यसपछि म्याद थपिने कि थपिने भन्ने कुरा सरकारकै हातमा रहेको हुँदा सकेसम्म पुससम्म सबै काम सक्ने हतारोमा रहेको शर्माले बताए । 

जिल्ला आयोजना कार्यालय शिक्षामा दोस्रो चरणमा २० ओटा विद्यालयमा दुई कोठे, ४ ओटा विद्यालयमा ३ कोठे र ३९ ओटा विद्यालयमा २ कोठे भवन निर्माण गर्ने सम्भौता भएको थियो । अधिकांश विद्यालयको पुनर्निर्माणको प्रगति ६५ प्रतिशत रहेको कार्यालय प्रमुख शर्माले बताए ।  

भवन निर्माणको काम सकेका विद्यालयका बालबालिका भूकम्प प्रतिरोधी भवनमा बसेर पढ्न पाएका छन् । भूकम्पले विद्यालयका सबै कक्षाकोठा नभएका विद्यालयलाई पहिलो प्राथमिकता र केहि मात्रै भवन भत्किएका विद्यालयलाई दोस्रो चरणमा पुनर्निर्माण गर्ने गरी कार्यालयले कार्ययोजना बनाएको थियो । सोहि अनुसार विद्यालयका भवन पुनर्निर्माण भइरहेको कार्यालयले जानकारी दिएको छ । 

प्रतिक्रिया [0]
प्रतिक्रिया दिनुहोस्