ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

त्रिदेशीय राजमार्ग जोड्ने लामाबगर सुरुङमार्ग बनाउन डीपीआर तयार

सुरुङ मार्गको लागत २ अर्ब ४६ करोड २३ लाख रुपैयाँ अनुमान

२०७७ चैत, २१  
वाग्मती प्रदेश
Image Not Found
लामाबगर सुरुङमार्ग स्थलको फाइल फोटो
author avatar नवराज शिवाकोटी

चैत २१, दोलखा । उत्तर–दक्षिण त्रिदेशीय मार्ग अन्तर्गत दोलखाको लामाबगरमा बन्ने सुरुङ मार्गको डीपीआर तयार भएको छ ।  सडक विभागले उक्त सुरुङमार्गको विस्तृत आयोजना प्रतिवेदन(डीपीआर) तयार गरेको हो ।

डीपीआरमा उल्लेख भएअनुसार सुरुङ मार्गको लागत २ अर्ब ४६ करोड २३ लाख रुपैयाँ अनुमान गरिएको छ । डीपीआर तयार भएपछि सुरुङमार्ग निर्माणकालागि बहुवर्षीय ठेक्का लगाउन अर्थ मन्त्रलायसँग सहमतीको माग गरिएको  विभागका गुणस्तर, अनुसन्धान तथा विकास केन्द्रका निर्देशक डा विजय जैशीले बताए । चालू आर्थिक वर्षका लागि सरकारले सुरुङ मार्गको लागि ३० लाख रुपैयाँ बजेट विनियोजन गरेको छ । 

करीब एक किलोमिटर लामो हुने सुरुङ मार्गको  चौडाई १० मिटर तथा उचाई ६ मिटरको हुने छ । सूरुङ मार्ग फूटपाथसहितको हुने डीपीआरमा उल्लेख छ । सुरुङ मार्गको निर्माण पछि भारतीय सिमानादेखि चीनसम्म सडक मार्गले जोड्न सहज हुने छ ।

सुरुङमार्ग बनेपछि थप १० किलोमिटर सडक बनाउँदा चिनियाँ सिमाना ङ्याङ्लुङ जोडिंदा व्यापारिक नाका खोल्नसमेत सहज हुनेछ । माथिल्लो तामाकोशी जलविद्युत् आयोजनालाई असर नपर्ने गरी यो सुरुङमार्ग बनाउन लागिएको हो ।

भौतिक पूर्वाधार तथा यातायात मन्त्रालयले सुरुङमार्ग निर्माणका लागि चालू आर्थिक वर्षमा ६१ करोड ५५ लाख ८६ लाख रुपैयाँ थप बजेट अर्थ मन्त्रालयसँग माग गरेको छ । 

चीन, नेपाल र भारत जोड्ने त्रिदेशीय राजमार्ग जोड्ने सुरुङमार्ग भएकाले यो अत्यन्तै महत्वपूर्ण रहेको निर्देशक जैशीको भनाइ छ । अर्थमा बजेट सहमतिको प्रक्रियामा रहेकाले सहमति पाउना साथ बोलपत्र आह्वान गर्न सकिने उनले बताए ।

सुरुङमार्ग बनेपछि सबैभन्दा पुरानो लामाबगर नाका सञ्चालनमा ल्याउन सकिन्छ । तातोपानी नाका सडकसँग जोड्नु अघि काठमाडौं र ल्हासाको मुख्य व्यापारिक नाका यही लामाबगर थियो । लामाबगरमा अहिलेसम्म पुरानो भन्सार कार्यालय भए तापनि कारोबार भने छैन ।

भारतको भिठ्ठामोडदेखि लामाबगरसम्मको सडक पूर्णरूपमा सञ्चालन भए तापनि तिब्बत सिमानासम्मको सडक यही कठिन भीरका कारण जोडिएको छैन ।
माथिल्लो तामाकोशीको बाँध क्षेत्रमा पानी भरिएपछि लप्ची जानका लागि हिँड्ने बाटोसमेत नहुने भएपछि सडक विभागकै अनुरोधमा ७ वर्षअघि माथिल्लो तामाकोशी जलविद्युत् आयोजनाले सिभिल ठेकेदार चिनियाँ कम्पनी सिनो हाइड्रो कर्पोरेसनमार्फत सुरुङको डिजाइन गराएको थियो ।

सी आकारमा निर्माण प्रस्ताव गरिएको सुरुङको लगत त्यस बेला ३२ करोड रुपैयाँ अनुमान गरिएको थियो । त्यस बेला हतारमा गरेको डिजाइन र अहिले बजारको मूल्य, अन्तरराष्ट्रिय मापदण्ड अनुरुपको सुरुङमार्ग बनाउने गरी डिजाइन गर्दा लागत बढेको विभागको दावी छ । 
 

प्रतिक्रिया [0]
प्रतिक्रिया दिनुहोस्