ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

वाणिज्य बैंकमा सातामै थपियो ४० अर्ब निक्षेप

२०७७ चैत, २३  
समाचार
Image Not Found
author avatar अभियान संवाददाता

काठमाडौं । वाणिज्य बैंकहरूमा केही समय अघिदेखि अधिक लगानी योग्य पूँजी (तरलता) भइरहेकोमा पछिल्लो साता निक्षेप संकलन ह्वात्तै बढेको छ । नेपाल बैंकर्स संघले आइतवार सार्वजनिक गरेको तथ्यांकअनुसार चैत तेस्रो साता २७ वाणिज्य बैंकमा ४० अर्ब रुपैयाँ निक्षेप थपिएको छ ।

चैत २० गतेसम्ममा उक्त निक्षेप थपिँदा कुल निक्षेप ३८ खर्ब ९० अर्ब रुपैयाँ पुगेको छ । अघिल्लो साता १० अर्बले निक्षेप बढ्दा कुल निक्षेप संकलन ३८ खर्ब ५० अर्ब रुपैयाँ पुगेको थियो ।

सरकारले विकास खर्च धेरै गर्ने समय नजिकिँदै गरेकाले निक्षेप थप बढ्ने र बजारमा अधिक तरलता हुने बैंकरहरू बताउँछन् । सरकारले चौथो त्रैमासमा बढी खर्च गर्ने प्रचलन भएकाले बजारमा पैसा बढी आउने र निक्षेप संकलन अझै बढ्ने सिटिजन्स बैंक इन्टरनेशनलका प्रमुख कार्यकारी अधिकृत (सीईओ) गणेशराज पोखरेल बताए । यद्यपि अहिले कर्जा प्रवाह र निक्षेप संकलन दुवै करीब उस्तै गतिमा बढेको उनको भनाइ छ ।

यस्तै, पछिल्लो साता कर्जा कर्जा ३९ अर्बले थपिएर कुल कर्जा प्रवाह ३५ खर्ब १ अर्ब रुपैयाँ पुगेको छ । चैत दोस्रो साता  २८ अर्बले कर्जा प्रवाह थपिँदा कुल ३४ खर्ब ६२ अर्ब रुपैयाँ पुगेको थियो । लामो समयको बन्दाबन्दीपछि अर्थतन्त्र चलायमान बनेसँगै कर्जा प्रवाहमा पनि सुधार हुन थालेको बैंकरहरू बताउँछन् ।

प्रतिक्रिया [0]
प्रतिक्रिया दिनुहोस्