ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

बैतडी ट्राफिक कार्यालयद्वारा १९ लाखभन्दा बढि राजस्व संकलन

२०७७ चैत, २३  
सुदूरपश्चिम प्रदेश
Image Not Found
author avatar मोहन चन्द

चैत्र २३, बैतडी । जिल्ला ट्राफिक कार्यालय बैतडीले रू. १९ लाखभन्दा बढी राजस्व संकलन गरेको छ । ट्राफिक नियम उल्लंघन गर्ने तीन हजारभन्दा बढि सवारी साधनबाट रू. १९ लाख ३५ हजार ५०० राजस्व संकलन गरिएको हो । 

चालू आर्थिक वर्षको शुरुदेखि हालसम्म साना ठूला गरी तीन हजार २८२ सवारी साधन कारवाही गरिएको ट्राफिक प्रहरी बैतडीका हल्दार ललित सिंह महराले बताए । क्षमताभन्दा वढि यात्रु बोक्ने गाढीका कागजात नबोक्ने र ट्राफिक नियम पालना नगर्ने सवारी साधनलाई कारवाही गरिएको हो ।

चालू आर्थिक वर्षमा बसबाट रू. ४० हजार ५००, ट्रकबाट २ लाख ९८ हजार ५०० जिप, कार, भ्यानबाट ८ लाख २६ हजार ट्याक्टरबाट एक लाख ४७ हजार मोटरसाईकलबाट ४ लाख ५२ हजार ५० अन्यबाट ९ हजार र चैत महीनामा रू. १ लाख ६२ हजार राजस्व संकलन गरेको हो । 

चालू वर्षको शुरुदेखि हालसम्म ३ हजार २८२ साना ठूला सवारी साधनबाट सो राजस्व संकलन गरिएको जिल्ला ट्राफिक प्रहरी कार्यालय बैतडीले बताएको छ ।

बैतडीमा ट्राफिक प्रहरीको ९ जनाको दरबन्दी रहेको छ । जिल्लाका मेलौली, खोचलेक, ढोलेकोमोड, खोडेपे, पाटन र गोठलापानी बजारमा ट्राफिक प्रहरीको आवश्यक्ता भए पनि खोडपे, पाटन र गोठलापानी बजारमा मात्र ट्राफिक प्रहरी रहेका छन् । जिल्लाका केही ठाउँ बाहेक सबै ठाउँमा सडक पुगिसकेकाले अहिले प्रत्येक क्षेत्रका सडकमा यातायातका साधनको घुईचो नै देखिन्छ ।

बैतडीमा चालू वर्षभित्र १४ सवारी साधन दूर्घटना भएर २४ जनाको मृत्यु भएको छ भने ३७ जना घाइते भएका छन् । पछिल्लो समय जिल्लाको धेरै ठाउँमा कच्ची सडक पुगेको छ । निर्माण गरिएका कच्ची सडकहरु पनि राम्रोसँग ग्रेड मिलेका छैनन् । धेरै जसो सडकहरु प्राविधिबिना नै ईस्काभेटर चालककै भरमा पनि निर्माण गरिएका छन् ।

यसरी ग्रेड नमिलेका र स्काभेटर चालककै भरमा निर्माण गरिएका सडकमा यातायातका साधन गुडाउनाले पनि दूर्घटना बढेको दसरथचन्द नगरपालिका बैतडीका इन्जिनियर जयसिंह बोहराले बताए । आवश्यक्ता भन्दा पनि पहँुचको भरमा सडक निर्माणको लागि बजेट ल्याउने र व्यक्ति अनुकुल सडक निर्माण गर्नाले पनि सडक दूर्घटना बढेको देखिन्छ । 

प्रतिक्रिया [0]
प्रतिक्रिया दिनुहोस्