अभियान संवाददाता
चैत २४, विराटनगर । सनराइज बैंकले विराटनगरको टेम्पो/ई–रिक्सामा क्यूआरबाट भाडा भुक्तानी सेवा शुरु गरेको छ । उक्त सेवाको शुभारम्भ विराटनगरको बरगाछीस्थित केशरीचन्द भवरलालको टेम्पो विक्री केन्द्रबाट बैंकका प्रदेश १ का प्रमुख विवेक निरौलाले गरेका हुन् ।
प्रथम चरणमा ७० ओटा टेम्पो/ई–रिक्सामा क्यूआर वितरण गरी कार्यक्रम सम्पन्न भएको छ । टेम्पो तथा इ–रिक्सा चढ्ने ग्राहकले आफ्नो मोबाइल बैंकिङ एप्लिकेसन वा मोबाइल वालेटमार्फत सजिलै रिक्सा भाडा भुक्तानी गर्न सक्नेछन् ।
डिजिटल कारोबारलाई प्रश्रय दिन र क्यासलेस कारोबारलाई बढावा दिनका लागि क्यूआर कोड भुक्तानी सेवा अझै प्रभावकारी ढंगले अगाडि बढाइरहेको बैंकले जानकारी दिएको छ ।
बैंकले गौतम बुद्ध अन्तरराष्ट्रिय विमानस्थल तथा नेपालगञ्ज विमानस्थलको ट्याक्सीहरुमा, त्रिनगर कृषि हाटबजार, धनगढी, दक्षिणकाली मन्दिर परिसरको बजार, काठमाडौंलगायत देशभरीका विभिन्न ठाउँमा क्यूआर कोड भुक्तानीको व्यवस्था गर्दै आएको छ ।
तस्वीर : म्याग्दीको अत्यन्त दुर्गम गाउँ गुर्जामा थ्रीजी जडान हुँदै
खाद्य व्यवस्था कम्पनीद्वारा समर्थन मूल्यमा गहुँ खरीद प्रक्रिया शुरु
आरएमडीसी लघुवित्तको संस्थापक शेयरमा बोलपत्र पेश गर्ने आज अन्तिम दिन
मेरो माइक्रोफाइनान्सको संस्थापक शेयरका लागि आव्हान गरेको बोलपत्र आज खोलिदैं
कोरोनाको दोस्रो लहरलाई सामान्य रूपमा नलिऔं
