ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

अजोड इन्स्योरेन्सले स्थगित गर्‍यो हकप्रद शेयर निष्कासन गर्ने प्रस्ताव

२०७७ चैत, २५  
लगानी
Image Not Found
author avatar अभियान संवाददाता

चैत २५, काठमाडौं । अजोड इन्स्योरेन्स लिमिटेडले ५० प्रतिशत हकप्रद शेयर निष्कासन प्रक्रिया हाललाई स्थगित गरेको जानकारी गराएको छ ।

बीमा समितिको चैत २३ गतेको पत्र अनुसार कम्पनीले प्रस्ताव गरेको पूँजी वृद्धि तथा हकप्रद शेयर निष्कासन सम्बन्धी विशेष प्रस्ताव स्थगन गर्न निर्देशन भइ आएकाले स्थगित गरेको हो । 

कम्पनीको चैत २५ गते बसेको आकस्मिक सञ्चालक समितिको बैठकले पूँजी वृद्धि तथा हकप्रद शेयर जारी गर्ने प्रस्ताव हाललाई स्थगित गरेको जानकारी गराएको छ । कम्पनीको चैत १६ गते बसेको सञ्चालक समितिको बैठकले हाल कायम रहेको चुक्ता पूँजीको ५० प्रतिशत हकप्रद शेयर निष्कासन गर्ने प्रस्ताव सहित साधारण सभा बोलाएको थियो । 

तर हकप्रद शेयर निष्कानसको सूचना अघि नै कम्पनीको शेयरमूल्य १० प्रतिशत बढेको थियो । हकप्रद शेयर सूचना सार्वजनिक हुनुअघि नै अस्वभाविक रुपले कम्पनीको शेयर मूल्य बढेपछि हकप्रद शेयर निष्कासनको प्रस्ताव विवादित बनेको हो । 

कम्पनीको शेयरमूल्य अस्वभाविक रुपमा बढ्नुमा हकप्रद शेयरको सूचना चुहावट भएर भित्रि कारोबार भएको आंशंका गरेर लगानीकर्ताहरुले नेपाल धितोपत्र बोर्डमा अध्ययन गर्न आग्रह गरेका थिए । 

प्रतिक्रिया [0]
प्रतिक्रिया दिनुहोस्