काठमाडौं (अस) । प्राइम कमर्सियल बैंकले कपाल काट्ने पुर्ख्यौली पेसा रहेका अपनाउँदै आएका नाईहरूको जीवन स्तरमा सुधार ल्याउने उद्देश्यले छाता संगठन नेपाल नाई ट्रेड युनियनसँग समझदारीपत्रमा हस्ताक्षर गरेको छ ।
समझदारीमा युनियनका केन्द्रीय समितिका अध्यक्ष गजेन्द्र ठाकुर र बैंकका प्रमुख कार्यकारी अधिकृत नारायणदास मानन्धरले हस्ताक्षर गरेका थिए ।
हातमा सीप भएका व्यक्तिलाई स्वावलम्बी बनाई उनीहरूको पेसालाई व्यावसायिकीकरण गर्ने उद्देश्यले उक्त छाता संगठनका सम्पूर्ण बैंकिङ सेवा– सुविधा एकै ढोकाबाट उपलव्ध गराउने लक्ष्य रहेको बैंकले बताएको छ ।
बैंकले युनियनका सदस्यहरूलाई सामाजिक सुरक्षाको व्यवस्था गर्दै दुर्घटना एवं अस्पताल भर्ना बीमालगायत सुविधा पनि प्रदान गर्नेछ । समझदारीअनुसार बैंकले युनियनका केन्द्र, प्रदेश, जिल्ला र स्थानीय तहमा शाखा रहेका ४१ जिल्लाका करिब ३१ हजार नाई तथा युनियनका कर्मचारीको प्राइम बैंकमा संस्थागत, व्यावसायिक तथा व्यक्तिगत बैंक खाता खोल्ने खोलिदिनेछ ।
व्यक्तिगत खाता सञ्चालन गरेका सदस्यलाई बैंकले पहिलो वर्ष निःशुल्क सेवासहित मोबाइल बैंकिङ, भिसा डेबिट कार्ड, परिवारका २ जनासम्मको डिम्याट खाता खोल्ने सेवा उपलब्ध गराउनेछ । सामाजिक सुरक्षातर्फ सम्झौता भएको मितिले २ वर्षभित्र व्यक्तिगत खाता खोल्ने सदस्यका लागि ५ लाख बराबरको दुर्घटना बीमा र २५ हजार बराबरको अस्पताल भर्ना बीमा उपलब्ध गराउनेछ ।
डिजिटल बैंकिङतर्फ व्यवसाय खाता सञ्चालन गरेका सदस्यका लागि क्यूआर कोडको सुविधा उपलब्ध गराउनेछ । बैंकले कर्जा सेवातर्फ एक धितोमा प्रतिऋणी ५० हजारदेखि २ लाख रुपैयाँसम्म सरल प्रक्रियाबाट सामूहिक लगानी गर्नेछ ।
तस्वीर : म्याग्दीको अत्यन्त दुर्गम गाउँ गुर्जामा थ्रीजी जडान हुँदै
खाद्य व्यवस्था कम्पनीद्वारा समर्थन मूल्यमा गहुँ खरीद प्रक्रिया शुरु
आरएमडीसी लघुवित्तको संस्थापक शेयरमा बोलपत्र पेश गर्ने आज अन्तिम दिन
मेरो माइक्रोफाइनान्सको संस्थापक शेयरका लागि आव्हान गरेको बोलपत्र आज खोलिदैं
कोरोनाको दोस्रो लहरलाई सामान्य रूपमा नलिऔं
