ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

२९०६.९१ विन्दुमा नेप्से परिसूचक, १७ अर्बभन्दा बढीको शेयर कारोबार 

२०७८ जेठ, २३  
लगानी नेप्से विश्लेषण
Image Not Found
author avatar अभियान संवाददाता

जेठ २३, काठमाडौं । साताको पहिलो कारोबार दिइन आइतवार नेप्से परिसूचक १ दशमलव ७६ प्रतिशत बढेर २ हजार ९०६ दशमलव ९१ विन्दुमा पुगेको छ । 

यो दिन अघिल्लो कारोबार दिनको तुलनामा नेप्से परिसूचक ५० दशमलव १४ अंक माथि उक्लिएको हो । अघिल्लो कारोबार दिन गत बिहीवार नेप्से परिसूचक २ हजार ८५६ दशमलव ७६ विन्दुमा बन्द भएको थियो ।

आइतवार २ हजार ८८४ दशमलव शून्य ७ विन्दुदेखि खुलेको बजार २ हजार ९२० दशमलव २१ विन्दुसम्म पुगेको थियो । यस दिन सेन्सेटिभ इन्डेक्स पनि ७ दशमलव ८८ अंक बढेर ५२० दशमलव ९९ विन्दुमा पुगेको छ । आइतवारको कारोबारमा लगानी समूहको परिसूचक सर्वाधिक ३ दशमलव ९७ प्रतिशत र बैंकिङ्ग समूहको परिसूचक ३ दशमलव ६६ प्रतिशत बढेको छ । 

त्यस्तै यो दिन अन्यको ३ दशमलव ०३ प्रतिशत , विकास बैंकको परिसूचक २ दशमलव ३८ प्रतिशत, वित्तको १ दशमलव ४३ प्रतिशत, लघुवित्तको शून्य दशमलव शून्य ८ प्रतिशत र म्युचुअल फण्डको १ दशमलव ६ प्रतिशत परिसूचक बढेको हो । 

बढेको बजारमा महिला लघुवित्त सहित पाँच कम्पनीको शेयरमूल्य उच्च दरमा बढेको छ । यस दिन महिला लघुवित्तको १० प्रतिशतले , गुडवील फाइनान्सको ९ दशमलव ८९ प्रतिशत, लुम्बिनी विकास बैंकको ९ दशमलव ८८ प्रतिशत, रिडी हाइड्रोपावरको ९ दशमलव ८७ प्रतिशत र नेपाल बङ्गलादेश बैंकको ९ दशमलव शून्य ७ प्रतिशतले शेयरमूल्य बढेको हो । 

महिला लघुवित्तको यो दिन प्रतिकित्ता रू. ४७५ ले बढेर अन्तिम मूल्य रू. ५ हजार २२७, गुडवील फाइनान्सको प्रतिकित्ता रू. ४७ ले बढेर अन्तिम मूल्य रू. ५२२, लुम्बिनी विकास बैंकको प्रतिकित्ता रू. ४९ ले बढेर अन्तिम मूल्य रू. ५४५ कायम भएको छ ।

त्यसैगरी रिडी हाइड्रोपावरको प्रतिकित्ता रू. ३९ ले बढेर अन्तिम मूल्य रू. ४३४ र नेपाल बङ्गलादेश बैंकको प्रतिकित्ता रू. ३६ ले बढेर अन्तिम मूल्य रू. ४३३ कायम भएको छ । आइतवारको कारोबारमा जलविद्युत् समूहका लगानीकर्ताहरुले सर्वाधिक गुमाएका छन् । जलविद्युत् समूहको परिसूचक सर्वाधिक १ दशमलव ६३ प्रतिशतले घटेको छ । 

त्यस्तै व्यापारिक समूहको १ दशमलव शून्य २ प्रतिशत, होटल्स तथा पर्यटनको शून्य दशमलव ५२ प्रतिशत, निर्जीवन बीमाको शून्य दशमलव ५७ प्रतिशत, उत्पादन तथा प्रशोधनको १ दशमलव १४ प्रतिशत र जीवन बीमा समूहको शून्य दशमलव ६८ प्रतिशत परिसूचक घटेको छ ।

 दोहोरो उच्च अंकले बढेको आइतवारको बजारमा सर्वाधिक गुमाउने जलविद्युत् कम्पनीहरुमध्ये राधी विद्युतको शेयरमूल्य सबैभन्दा बढी प्रतिशत घटेको छ । ३६ दशमलव ५० प्रतिशत बोनस शेयर पश्चात १४७ दशमलव ५२ प्रतिशत हकप्रद शेयर वितरणको प्रस्ताव गरेको राधी विद्युतको शेयरमूल्य पछिल्लो तीन कारोबार दिन निरन्तर घट्दै आएको छ ।

आइतवार कम्पनीको शेयरमूल्य ८ दशमलव ५६ प्रतिशत अर्थात प्रतिकित्ता रू. ९८ ले घटेर अन्तिम मूल्य रू. १ हजार ४७ कायम भएको छ ।नेप्से परिसूचकसँगै यस दिन कारोबार रकम पनि बढेको छ ।

गत बिहीवार रू. १६ अर्ब ९० करोड ७० लाखभन्दा बढीको शेयर कारोबार भएकोमा आइतवार यो रकम रू. १७ अर्ब २७ करोड १७ लाख ८७ हजार पुगेको छ । २१८ ओटा कम्पनीको १ लाख ७१ हजार ६० पटकको व्यापारमा उक्त रकम बराबरको ३ करोड ७४ लाख ५५ हजार १८९ कित्ता शेयर कारोबार भएको हो । यो दिन पनि कारोबार रकमको सर्वाधिक हिस्सा नेपाल पुनर्बीमा कम्पनीले ओगटेको छ । 

पछिल्लो चार कारोबार दिन सर्वाधिक कारोबार रकमको स्थान यसै कम्पनीले ओगट्न सफल भएको हो । नेपाल पुनर्बीमा कम्पनीको आइतवार रू. १ अर्ब २१ करोड १४ लाख ५६ हजार बराबरको शेयर कारोबार भएको छ । यो दिन कम्पनीको शेयरमूल्य पनि प्रतिकित्ता रू. ११० ले बढेर अन्तिम मूल्य रू. १ हजार ८७५ कायम भएको छ ।

यस दिन प्रतिकित्ता रू. १ हजार ७८० देखि खुलेको कम्पनीको शेयरमूल्य न्यूनतम रू. १ हजार ७७५ देखि अधिकतम रू. १ हजार ८८२ सम्म पुगेको थियो ।
 

प्रतिक्रिया [0]
प्रतिक्रिया दिनुहोस्