ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

एनआईसी एशिया बैंकको ‘अनलाइन एकाउन्ट ओपनिङ च्यालेन्ज’ योजना

२०७८ जेठ, २४  
शेयर / बैङ्किङ गतिविधि
NA

काठमाडौं (अस) । एनआईसी एशिया बैंकले कोरोना महामारीका बेला घरमै बसेर अनलाइन खाता खोल्न  प्रोत्साहन गर्ने उद्देश्यसहित दुई वटा अनलाइन एकाउन्ट ओपनिङ च्यालेन्ज प्रतियोगिता सार्वजनिक गरेको छ ।

०७८ जेठ २३ देखि असार १९ गतेसम्म सञ्चालन हुने यी दुई प्रतियोगितामध्ये सबैभन्दा कम समय अनलाइन खाता खोल्ने एक जनालाई आईफोन–१२ तथा १० जनालाई स्मार्ट वाच र बैंकको अनलाइन खाता खोल्ने प्रक्रियाबारे उत्कृष्ट भिडियो बनाई युटुबमा अपलोड गर्ने दुई जनाले जनही ५० हजार नगद जित्न सक्नेछन् ।

योजनामा सहभागीले जतिसक्दो कम समय बैंकको वेबसाइटमार्फत खाता खोल्नुपर्नेछ । प्रतियोगितामा सहभागी हुन बैंकको वेबसाइटबाट खाता खोल्ने प्रक्रिया पूरा गर्नुपर्नेछ भने एकाउन्ट प्रोग्रेसनमा गई आफ्नो रिफरेन्स कोड राखेर खाता खोल्ने स्टेप १ देखि सवमिटसम्म देखिने गरी स्क्रिनसट लिनुपर्नेछ ।

बैंकको आधिकारिक फेसबुक पेजमा रहेको पिन्नेड पोस्टको कमेन्टमा च्यालेन्ज एसेप्टेड लेखेर ५ जना साथीलाई ट्याग गरी उक्त स्क्रिमसट पोस्ट गर्नुपर्ने बैंकले बताएको छ ।
सहभागीले उक्त पिन्नेड पोस्टलाई आफ्नो टाइमलाइनमा ह्यासट्याग घरबाटै अनलाइन खाता तथा ह्यासट्याग एनआईसी एशिया बैंक उल्लेख गरी सार्वजनिक रूपमा शेयर गर्नुपर्नेछ भने बैंकको फेसबुक पेज र उक्त पिन्नेड पोस्टलाई लाइक गर्नुपर्ने प्रावधान रहेको बैंकले जनाएको छ ।

प्रतियोगिता अवधिभर हरेक साता दुई÷दुई जना तथा छोटो समयमा खाता खोल्ने १० जनालाई छनोट गरी बैंकले प्रत्येकलाई एक÷एक वटा स्मार्ट वाच प्रदान गर्नेछ र उत्कृष्ट १० जनामध्ये पनि कम समय खाता खोल्ने एक जनालाई आईफोन–१२ उपलब्ध गराइनेछ ।

भिडियो च्यालेन्जका लागि युटुबमा भिडियो अपलोड गर्ने युट्युबर बैंकको अनलाइन खाता खोल्ने प्रक्रिया एवं यसका योजनाबारे भिडियो वा भ्लग बनाई प्रतियोगितामा सहभागी हुन सक्नेछन् । भिडियो बनाउँदा बैंकको ‘सहज रूपमा अनलाइन खाता प्रक्रिया’ एवं ‘महामारीका बेला बैंक पुगेर खाता खोल्दाका चुनौती’ बारे सहभागीले प्रस्तुति दिनुपर्नेछ ।

सहभागी भिडियोमध्ये रचनात्मक र न्यूनतम २ हजार पटक हेरिएको भिडियोलाई जनही  ५०,००० का दरले नगद पुरस्कार प्रदान गरिने बैंकले जनाएको छ ।

प्रतिक्रिया [0]
प्रतिक्रिया दिनुहोस्