ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

साढे ११ अर्बको शेयर कारोबार भएको बजारमा पुनर्बीमा कम्पनीको सर्वाधिक हिस्सा

२०७८ जेठ, २४  
लगानी नेप्से विश्लेषण
Image Not Found
author avatar अभियान संवाददाता

जेठ २४, काठमाडौं । सोमवार कारोबारको तेस्रो घण्टामा नेप्से परिसूचक शून्य दशमलव ७२ अंकले बढेर २ हजार ९०७ दशमलव ६३ विन्दुमा पुगेको छ । 

शून्य दशमलव शून्य २ प्रतिशतले बढेको बजारमा २१८ ओटा कम्पनीको रू. ११ अर्ब ४९ करोड ४६ लाख ४७ हजार बराबरको शेयर खरीदविक्री भएको छ ।

कारोबारको तेस्रो घण्टामा आइसीएफसी फाइनान्स र पोखरा फाइनान्सको शेयरमूल्य १० प्रतिशतले बढेर प्रतिकित्ता शेयरमूल्य रू. ५२८ र रू. ५३९ कायम भएको छ । 

तेस्रो घण्टामा कारोबारमा आएका १३ ओटा समूहको परिसूचकमध्ये बैंकिङ, व्यापार, होटल्स तथा पर्यटन, निर्जीवन बीमा, उत्पादन तथा प्रशोधन र लघुवित्त समूहको परिसूचक घटेको छ भने बाँकी विकास बैंक, जलविद्युत्, वित्त, अन्य, जीवन बीमा, म्युचुअल फण्ड र लगानी समूहको परिसूचक बढेको छ । जसमध्ये वित्त समूहको परिसूचक सर्वाधिक ८ दशमलव शून्य ३ प्रतिशतले बढेको छ ।

यस अवधिसम्म नेपाल पुनर्बीमा कम्पनीको सर्वाधिक कारोबार भएको छ । उक्त कम्पनीको रू. ४२ करोड २८ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू. १ हजार ९०१ मा कारोबार भइरहेको छ ।

कारोबार रकमकै आधारमा सर्वाधिक कारोबार हुने दोस्रो कम्पनीमा नेशनल हाइड्रोपावर रहेको छ । उक्त कम्पनीको प्रतिकित्ता रू. २६८ मा रू. ३९ करोड ९९ लाख बराबरको शेयर खरीदविक्री भएको छ ।

प्रतिक्रिया [0]
प्रतिक्रिया दिनुहोस्