ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

सर्वोत्तम सिमेन्टले लाभांश प्रस्तावसहित असार १० गतेका लागि बोलायो विशेष साधारण सभा 

२०७८ जेठ, २६  
लगानी
Image Not Found
author avatar अभियान संवाददाता

जेठ २६, काठमाडौं । सर्वोत्तम सिमेन्ट लिमिटेडले असार १० गते विशेष साधारण सभा बोलाएको छ । 

काठमाडौंको तीनकुनेस्थित न्यौपाने टावरको तेस्रो तलाको हलमा विहान ११ बजे कम्पनीले सभा बोलाएको हो । कम्पनीले चुक्तापूँजी वृद्धि गरी संस्थापक र सर्वसाधारण शेयरधनीहरु बीचको पूँजीको अनुपात मिलान गर्न लागेको हो ।

हाल कायम चुक्तापूँजी रू. ३ अर्ब ४० करोडको आधारमा १९ दशमलव ११८ प्रतिशत बोनस शेयर र त्यसमा लाग्ने कर वापत १ प्रतिशत नगद लाभांश प्रदान गर्ने प्रस्ताव सभाका लागि कम्पनीले तय गरेको छ । 

कम्पनीको जेठ २५ गतेको सञ्चालक समितिको बैठकले विशेष साधारण सभा गर्ने निर्णय गरेको थियो । उक्त कम्पनीले बुक विल्डिङ विधिबाट सर्वसाधारणमा ६० लाख कित्ता आईपीओ विक्री गर्ने तयारी गरेको छ । गत माघ २ गते सम्पन्न दोस्रो वार्षिक साधारण सभाबाट कम्पनीले आईपीओ विक्रीको प्रस्ताव पारित गरेको थियो । 

आईपीओ विक्रीका लागि कम्पनीले चैत ४ गते विक्री प्रबन्धकमा ग्लोबल आइएमई क्यापिटललाई नियुक्त गरेको थियो । त्यस्तै सहायक विक्री प्रबन्धकमा प्रभु क्यापिटल र एनआईबिएल एस क्यापिटललाई नियुक्त गरेको छ ।

कम्पनीले नेपालको धितोपत्रको इतिहासमै पहिलो पटक लागू भएको यस विधिबाट ६० लाख कित्ता आईपीओ सर्र्वसाधारणमा जारी गर्न लागेको हो । कुल कित्तामध्य संस्थागत लगानीकर्ताका लागि २४ लाख कित्ता, उद्योग प्रभावित स्थानियका लागि ८ लाख कित्ता र कम्पनीका कर्मचारीसहित अन्य सर्वसाधारणमा २८ लाख कित्ता आईपीओ विक्री गर्ने कम्पनीले तयारी  गरेको छ ।

कम्पनीको आईपीओ पश्चात रू. ४ अर्ब पुग्नेछ । आईपीओको अंकित मूल्य रू. १०० भएपनि बुक विल्डिङ विधिबाट संस्थागत लगानीकर्ताहरुको मूल्याङ्कनका आधारमा शेयरमूल्य तय हुनेछ । 

कम्पनीले आन्तरिक मूल्यांकन गर्दा प्रतिकित्ता रू. ७५० भन्दा बढी मूल्य कायम हुनेमा विश्वास व्यक्त गरेको छ । व्यवसायिक उत्पादन शुरु गरेपछिनै नाफा कमाउँदै आएको र विगत तीन वर्षको औषत मुनाफा बार्षिक रू. १ अर्ब ४ करोडभन्दा बढी रहेको कम्पनीले जानकारी दिएको छ ।
 

प्रतिक्रिया [0]
प्रतिक्रिया दिनुहोस्