ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

१४ ओटा कम्पनीको शेयरमूल्य उच्च दरमा वृद्धि, वृद्धि हुनेमा अधिकांश हाइड्रोपावर कम्पनी 

२०७८ जेठ, २७  
लगानी नेप्से विश्लेषण
Image Not Found
author avatar अभियान संवाददाता

जेठ २७, काठमाडौं ।  साताको अन्तिम कारोबार दिन बिहीवार १४ ओटा कम्पनीको शेयरमूल्य उच्च दरमा वृद्धि भएको छ । 

यो दिन १४ ओटा कम्पनीमध्ये अधिकांश हाइड्रोपावर कम्पनीहरुको शेयरमूल्य बढेको छ ।  १४ ओटा कम्पनीमध्ये सबैभन्दा बढी पाँचथर पावर कम्पनीको शेयरमूल्य १० प्रतिशतले वृद्धि भएको हो । उक्त कम्पनीको शेयरमूल्य प्रतिकित्ता रू. ३८५ पुगेको हो । 

त्यसैगरी लिवर्टी इनर्जी कम्पनीको शेयर मूल्य ९ दशमलव ९७ प्रतिशत,शिवश्री हाइड्रोपावरको ९ दशमलव ९७ प्रतिशत, ङादी ग्रुप पावरको ९ दशमलव ९३ प्रतिशत,माउण्टेन इनर्जीको ९ दशमलव ९२ प्रतिशत,छ्याङदी हाइड्रोपावरको ९ दशमलव ९१ प्रतिशत,रिडी हाइड्रोपावरको ९ दशमलव ९० प्रतिशत,बरुण हाइड्रोपावरको ९ दशमलव ८७ प्रतिशतले वृद्धि भएको छ । 

त्यसैगरी पोखरा फाइनान्सको ९ दशमलव ८६ प्रतिशत,सीईडीबी हाइड्रोपावरको ९ दशमलव ८५ प्रतिशत,अरुण भ्यालीको ९ दशमलव ८१ प्रतिशत,घलेम्दी हाइड्रोका ९ दशमलव ७९ प्रतिशत,जोशी हाइड्रोपावरको ९ दशमलव ७३ प्रतिशत र ग्लोबल आइएमई लघुवित्त वित्तीय संस्थाको शेयर अघिल्लो कारोबारको तुलनामा ९ दशमलव ३२ प्रतिशतले वृद्धि भएको हो ।

ती १४ ओटै कम्पनीको शेयर विक्री गर्नेभन्दा खरीद गर्ने लगानीकर्ता धेरै भएकाले शेयरमूल्यमा वृद्धि भएको हो । ग्लोबल आइएमई लघुवित्तको शेयरमूल्य प्रतिकित्ता रू.२ हजार ९८०, जोशी हाइड्रोपावरको रू. २८२ र अरुण भ्याली हाइड्रोपावरको शेयर मूल्य रू. ५२६ पुगेको हो । 

त्यसैगरी सिईडिबी हाइड्रोपावरको रू. ५०२, पोखरा फाइनान्सको रू. ७१३,बरुण हाइड्रोपावरको रू. ५९०,रिडी हाइड्रोपावरको रू. ६३३,छ्याङदी हाइड्रोपावरको रू. ४७७,माउण्टेन इनर्जीको रू.८६४,ङादी ग्रुप पावरको रू.४६५,शिवश्री हाइड्रोको रू. ३५३ र लिवर्टी इनर्जी कम्पनीको शेयरमूल्य प्रतिकित्ता रू.४१९ पुगेको छ ।

अधिकांश हाइड्रोपावर कम्पनीहरुको शेयरमूल्यमा वृद्धि भएसँगै उक्त समूहको परिसूचक सबैभन्दा बढी २ दशमलव ९९ प्रतिशतले वृद्धि भएको छ । पछिल्लो समयमा लगानीकर्ताको आकर्षण कम शेयरमूल्य भएका कम्पनीहरुको परेको देखिएको छ ।
 

प्रतिक्रिया [0]
प्रतिक्रिया दिनुहोस्