ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
Real Dabur NepalApache RTR 200 ABS

वाणिज्य बैंकद्वारा सगरमाथा आरोहण दललाई आर्थिक सहयोग

२०७८ असार, २  
बजार
Image Not Found
author avatar अभियान संवाददाता

असार २, काठमाडौं । राष्ट्रिय वाणिज्य बैंकले सगरमाथा आरोहणदललाई आर्थिक सहयोग गरेको छ । बैंकले संस्थागत सामाजिक उत्तरदायित्व अन्तर्गत सगरमाथाको सफल आरोहण गर्ने बाबु पूर्णकुमार शेर्पा र छोरा सोनाम शेर्पाको फादर एण्ड सन्स् क्याम्पेनलाई सहयोग पुग्ने गरी चेक हस्तान्तरण गरेको हो । 

बैंकका प्रमुख कार्यकारी अधिकृत किरण कुमार श्रेष्ठले तीन लाख रुपैयाँ बराबरको चेक आरोहणदललाई संयोजन गरिरहेको संस्था ग्लोबल्ली कन्सर्न सेन्टर फर क्लाइमेट चेन्जलाई मंगलवार हस्तान्तरण गरेका हुन् । 

कार्यक्रममा गत मे २३ का दिन सगरमाथाको चुचुरोमा फहराइएको राष्ट्रिय वाणिज्य बैंकको झण्डाको तस्वीर बैंकका प्रमुख कार्यकारी अधिकृत श्रेष्ठलाई सगरमाथा आरोहीहरुले हस्तान्तरण गरेका थिए । 

फादर एण्ड सन्स् क्याम्पेनले प्रकृति जोगाऔं महाअभियान अन्तर्गत सात माहदेश र पाँच समुन्द्रको सफाई विश्वकै पहिलोपटक गर्ने बताएको छ । 

सो कार्यक्रममा बैंकका प्रमुख कार्यकारी अधिकृत श्रेष्ठले वाणिज्य बैंकको झण्डा सगरमाथाको चुचुरोमा फहराएकोमा आरोहीदललाई धन्यवाद ज्ञापन गर्दै, किर्तिमान कायम गर्ने मात्र नभएर वातावरण संरक्षण गर्ने विश्व अभियानलाई सहयोग गर्न पाउँदा खुशी लागेको बताएका थिए । 

सगरमाथा आरोही पूर्णकुमार शेर्पाले गत मे २३ का दिन बाबु छोराले सगरमाथाको सफल आरोहण गरी अभियान शुरु गरेको बताएका थिए ।

प्रतिक्रिया [0]
प्रतिक्रिया दिनुहोस्