ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
Real Dabur NepalApache RTR 200 ABS

६७ करोड राजस्व छली गरेको आरोपमा मुद्दा दायर       

२०७८ असार, ३०  
समाचार
Image Not Found

असार ३०,  काठमाडौं । नक्कली मूल्य अभिवृद्धि कर (भ्याट) को बीजक जारी गरी  ६७ करोड रुपैयाँ बराबरको राजस्व छली भएको पाइएको छ ।

राजस्व अनुसन्धान विभागले विभिन्न कम्पनीका तीन जना सञ्चालकले नक्कली गतिविधि गरी राजस्व छली गरेको आरोपमा बुधवार उच्च अदालत पाटनमा मुद्दा दर्ता गरेको छ ।

सर्लाहीको मनिराज सप्लायर्सका प्रोप्राइटर राजदेवी तथा उक्त फार्मको मुख्य कारोबार गर्ने व्यक्ति राजाराम महतोले ४१ करोड ५१ लाख रुपैयाँ बढी बिगो बराबरको राजस्व छली गरेको अनुसन्धानमा खुलेको विभागले बताएको छ ।     
     
 उनीहरुले मालवस्तु खरीद तथा आयात नगरी, झुटा खरीद देखाइ विभिन्न फार्मलाई विक्री बीजक मात्र जारी गरेको पाइएको छ । उक्त फार्मबाट विक्री रकम भुक्तानी लिई सो बीजकमार्फत असुल गरेको भ्याट सरकारी कोषमा दाखिला नगरेको पाइएको र विभिन्न फार्मलाई नक्कली एवं नक्कली बीजक उपलब्ध गराई जालसाजी गरी भ्याट र आयकरसमेत छली गरेको विभागको दाबी छ ।     
     
 अनुसन्धानमा भ्याटतर्फ १५ करोड ८४ लाख रुपैयाँ र आयकरतर्फ २५ करोड ६७ लाख रुपैयाँ गरी कुल ४१ करोड ५१ लाख ३१ हजार रुपैयाँ राजस्व चुहावट गरेको खुलेको छ ।     
     
 यसैबीच नक्कली बीजक प्रयोग गरी राजस्व छली गर्ने रौतहटको शिव ट्रेडर्सका प्रोपाइटर तथा अल्का सप्लायर्सका मुख्य कारोबारी ओमप्रकाश सिंहले २५ करोड ३५ लाख ४१ हजार रुपैयाँ बिगो बराबरको राजस्व छली गरेको आरोपमा बुधवार नै मुद्दा चलाइएको छ ।

उक्त बिगो असुल गरी जरिवाना र कैद मागदाबीसहित उच्च अदालत पाटनमा मुद्दा दर्ता गरिएको विभागले बताएको छ । उनले पनि मालवस्तु खरीद तथा आयात नगरी, विभिन्न फार्मबाट नक्कली बीजक लिई आयकर र भ्याट छली गरेको विभागले बताएको छ । रासस

प्रतिक्रिया [0]
प्रतिक्रिया दिनुहोस्