ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
Real Dabur NepalApache RTR 200 ABS

आव २०७७/ ७८ मा २२ ओटा कम्पनीले रू. १५ अर्ब बराबरको आईपीओ निष्कासन गर्न पाए अनुमति

२०७८ सावन, ६  
लगानी
Image Not Found
author avatar अभियान संवाददाता


साउन ६, काठमाडौं । नेपाल धितोपत्र बोर्डले गत आव २०७७/ ७८ मा रू. १५ अर्ब १७ करोड ८३ लाख २८ हजार ७०० बराबरको आईपीओ निष्कासन गर्न अनुमति दिएको छ । 

धितोपत्र बार्डले २२ ओटा कम्पनीलाई कुल १५ करोड १७ लाख ८३ हजार २८७ कित्ता आईपीओ निष्कासन गर्न अनुमति दिएको हो । धितोपत्र बोर्डबाट स्वीकृती पाएका अधिकांश कम्पनीहरुले आईपीओ निष्कासन गरिरहेका छन् । 

गत आवको अन्त्यमा आईपीओ निष्कासन गर्न स्वीकृती पाएका सानिमा लाइफ इन्स्योरेन्स, मानुषी लघुवित्त वित्तीय संस्था र सामलिङ पावर कम्पनीले भने अझै निष्कासन मिति तय गरेका छैनन् । 

गत आवमा नियामक निकाय नेपाल धितोपत्र बोर्डले पहिलो पटक रिलायन्स लाइफ इन्स्योरेन्स कम्पनीलाई आईपीओ निष्कासन गर्ने अनुमति दिएको थियो । बोर्डले उक्त कम्पनीलाई रू. ६३ करोड बराबरको ६३ लाख कित्ता आईपीओ निष्कासन गर्न अनुमति दिएको थियो । त्यस्तै गत आवको अन्त्यमा सामलिङ पावर लिमिटेडले रू. १२ करोड ३० लाख बराबरको १२ लाख ३० हजार कित्ता आईपीओ निष्कासन गर्ने अनुमति दिएको छ । 

गत आवमा सबैभन्दा बढी नेपाल इन्फ्रास्ट्रक्चर बैंकले आईपीओ निष्कासन गरेको छ । उक्त कम्पनीले रू. ८ अर्ब बराबरको ८ करोड कित्ता आईपीओ निष्कासन गरेको हो । 

गत आवमा ओठ ओटा हाइड्रोपावर, पाँच ओटा माइक्रोफाइनान्स, सात ओटा इन्स्योरेन्स कम्पनी, एउटा बैंकिङ र एउटा अन्य क्षेत्रका कम्पनीले आईपीओ निष्कासन गर्न अनुमति पाएका थिए । 
यी हुन् गत आवमा आईपीओ निष्कासन गरेका कम्पनीहरु :


 
 स्रोत : नेपाल धितोपत्र बोर्ड 
 

प्रतिक्रिया [0]
प्रतिक्रिया दिनुहोस्