ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
Real Dabur NepalApache RTR 200 ABS

करीब ३९ करोड खराब कर्जा उठाएको डिप्रोक्स लघुवित्तको नाफा ७१ करोडभन्दा बढी 

२०७८ सावन, १५  
लगानी
Chelsea International Image Not Found
author avatar अभियान संवाददाता

साउन १५, काठमाडौं । डिप्रोक्स लघुवित्त वित्तीय संस्था लिमिटेडले गत आर्थिक वर्षको चौथो त्रैमाससम्म रू. ७१ करोड ३७ लाख २९ हजार खुद नाफा गरेको छ । अघिल्लो वर्षभन्दा गत वर्ष कम्पनीको खुद नाफा रू. १५९ दशमलव ५५ प्रतिशतले वृद्धि भएको हो । 

अघिल्लो वर्ष कम्पनीले रू. २७ करोड ४९ लाख ९१ हजार खुद नाफा गरेको थियो । गत वर्ष कम्पनीले रू. ३८ करोड ९८ लाख ९५ खराब कर्जा संकलन गर्न सफल भएको छ । खराब कर्जा संकलन गरेसँगै गत वर्ष कम्पनीको खुद ब्याज आम्दानी करीब ४३ प्रतिशत बढी रू. १ अर्ब ३७ करोड ३ लाख १६ हजार भएको छ । 

सम्भावित जोखिम शीर्षकमा गत वर्ष ६६ दशमलव ७५ प्रतिशत बढी रू. २३ करोड ७३ लाख ९९ हजार छुट्याए पनि गत वर्ष खराब कर्जा संकलनले कम्पनीको नाफा बढ्न सहयोग मिलेको हो ।

गत वर्ष कम्पनीले ६६ दशमलव ३२ प्रतिशत बढी रू. ७६ करोड ८१ लाख ९१ हजार सञ्चालन नाफा गरेको छ ।

१५ प्रतिशतले चुक्तापूँजी बढाएर रू. १ अर्ब १५ करोड ६२ लाख ४८ हजार पु¥याएको कम्पनीको जगेडा कोष रकम पनि ५५ दशमलव ३९ प्रतिशत बढेर रू. १ अर्ब २९ करोड ४५ लाख ७८ हजार कायम भएको छ ।

अघिल्लो वर्षभन्दा १९ दशमलव ६३ प्रतिशत बढी रू. ७ अर्ब ७८ करोड ४० लाख ६ हजार कर्जा सापटी लिएको कम्पनीले साढे ३२ प्रतिशत बढी रू. ६ अर्ब ५४ करोड १७ लाख ६७ हजार निक्षेप संकलन गरेको छ । 

यस अवधिमा कम्पनीले ३१ दशमलव ९० प्रतिशत बढी रू. १५ अर्ब २३ करोड ३८ लाख ४१ हजार कर्जा प्रवाह गरेको छ । कम्पनीको निष्क्रिय कर्जा अघिल्लो वर्ष २ दशमलव ४७ प्रतिशत रहेकोमा गत वर्ष शून्य दशमलव ९२ प्रतिशतमा सीमित भएको छ । कम्पनीको वार्षिक प्रतिशेयर आम्दानी रू. ६१ दशमलव ७३ र प्रतिशेयर नेटवर्थ रू. २११ दशमलव ९६ रहेको छ ।

प्रतिक्रिया [0]
प्रतिक्रिया दिनुहोस्