ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
Real Dabur NepalApache RTR 200 ABS

प्रतिनिधि सभाबाट तीन ओटा अध्यादेश स्वीकृत        

२०७८ भदौ, २५  
समाचार
Chelsea International Image Not Found

भदौ २५, काठमाडौं । प्रतिनिधि सभाको शुक्रवारको बैठकले ‘आर्थिक अध्यादेश २०७८’, ‘राष्ट्र ऋण उठाउने अध्यादेश २०७८’ र ‘विनियोजन अध्यादेश २०७८’ लाई स्वीकृत गरेको छ ।     
     
 प्रतिनिधि सभाको शुक्रवारको दोस्रो बैठक प्रमुख प्रतिपक्ष दल नेकपा एमालेको विरोध र नाराबाजी बीच अर्थमन्त्री जनार्दन शर्माले प्रस्तुत गर्नुभएका ती अध्यादेश सदनको बहुमतले स्वीकृत गरेको हो ।     
     
 यसअघि ती अध्यादेश अस्वीकृत गरियोस् भनी नेपाल मजदूर किसान पार्टीका प्रेम सुवालले प्रस्तुत गरेको सूचनालाई बहुमतले अस्वीकृत गरेको थियो ।     
     
 नाराबाजीका कारण १५ मिनेट स्थगित भई शुरु भएको दोस्रो बैठक सभामुख अग्निप्रसाद सापकोटाले प्रारम्भ भएको घोषणा गर्नासाथ प्रमुख प्रतिपक्ष दलका सांसदले रोष्टम घेराउ गर्दै निरन्तर नाराबाजी जारी राखेका थिए ।     
     
 सोही नाराबाजीका बीचमा सभामुख सापकोटाले आर्थिक अध्यादेश २०७८ लाई अस्वीकार गरियोस् भन्ने सूचना पेस गर्ने नेपाल मजदूर किसान पार्टीका प्रेम सुवाललाई बोल्न समय प्रदान गरेसँगै सदनको काम कारबाही अघि बढेको थियो ।     
     
 अध्यादेशका बारेमा उठेका प्रश्नको जवाफ दिंदै पूँजीबजारमा गैरकानूनी ढङ्गबाट आफूखुशी मूल्य घटबढ गराउने कुरा सत्य नभएको स्पष्ट पार्दै धितोपत्र बोर्ड र नेपाल स्टक एक्सचेन्जमा भएको भनिएको अनियमितताको छानबिनका लागि उच्च अदालतका पूर्वन्यायाधीशको नेतृत्वमा छानबिन समिति गठन गरिएको जानकारी गराए।     
     
 सदनमा अध्यादेश पेस र स्वीकृतको क्रम चलिरहँदा प्रमुख प्रतिपक्ष दल नेकपा (एमाले) बाट निरन्तर नाराबाजी भइरहेको थियो । रासस

प्रतिक्रिया [0]
प्रतिक्रिया दिनुहोस्