ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
Real Dabur NepalApache RTR 200 ABS

प्राइम कमर्शियल बैंक : कम्पनी विश्लेषण (आइतवार, २७ भदौ २०७८)

२०७८ भदौ, २७  
लगानी कम्पनी विश्लेषण
Chelsea International Image Not Found

बैंकको नाफा अघिल्लो आवको चौथो त्रैमासको तुलनामा गत आवको सोही अवधिमा ४४ प्रतिशतले वृद्धि भएको छ । कम्पनीले अघिल्लो आवमा रु. २ अर्ब २५ करोड १४ लाख ७८ हजार नाफा कमाएकामा गत आवमा वृद्धि भएर रु. ३ अर्ब २५ करोड ४७ लाख ७७ हजार पुगेको हो । गत आवमा कम्पनीको खुद ब्याज आम्दानी र सञ्चालन नाफामा वृद्धि भएकाले नाफा बढेको हो । अघिल्लो आवको तुलनामा गत आवमा कम्पनीको खुद ब्याज आम्दानी २८ प्रतिशत र सञ्चालन नाफा ४३ प्रतिशतले वृद्धि भएको छ । नाफामा वृद्धि भएसँगै कम्पनीको प्रतिशेयर आम्दानीमा पनि वृद्धि भएको हो ।

अघिल्लो आवमा कम्पनीको प्रतिशेयर आम्दानी रु. १६ दशमलव १० रहेकामा गत आवमा वृद्धि भएर रु. २० दशमलव २४ पुगेको हो । त्यसैगरी कम्पनीको वितरणयोग्य मुनाफा रु. २ अर्ब ६६ करोड ३१ लाख रहेको छ ।

बिहीबार कम्पनीको शेयर मूल्य प्रतिकित्ता रु. ४८७ कायम रहेको छ ।

निष्कर्ष
कम्पनीको ६१ दिनको कारोबार अवधिको अन्तिम दिनमा टुप्पी र पुच्छरसहितको कालो लामो शरीरको मैनबत्ती बनेको छ । यस्तो आकृतिले बजारमा कम्पनीको शेयर कारोबार घट्ने संकेत गर्छ । आरएसआई न्युट्रल जोन ३९ दशमलव ९३ बिन्दुमा छ ।

यसले शेयर खरिद बिक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएसन ६ दशमलव ४३ बिन्दुमा छ । उतारचढाव न्यून रहेको देखाउँछ । यस्तो अवस्थामा जोखिम कम हुन्छ भने प्रतिफल पनि कम हुने गर्दछ ।

त्यस्तै, कम्पनीको मुभिङ एभरेज २६ दिने औसत मूल्यरेखा र १४ दिने औसत मूल्यरेखा एकआपसमा टाढिएका छन् । हालको मूल्यरेखा यी दुवै मूल्यरेखाभन्दा तल छ ।

बिहीबारको शेयर मूल्य रु. ४८७ देखि बजारको अवस्था परिवर्तन भई मूल्य सस्तिए रु. ४७९ मा टेवा पाउने र महँगिए रु. ५१३ मा प्रतिरोध पाउने देखिन्छ ।

प्रतिक्रिया [0]
प्रतिक्रिया दिनुहोस्