ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
Real Dabur NepalApache RTR 200 ABS

१५ ओटा धितोपत्रको शेयरमूल्य उच्च दरमा वृद्धि

जलविद्युत् कम्पनीको शेयरमा लगानीकर्ताको  आकर्षण

२०७८ भदौ, २७  
लगानी नेप्से विश्लेषण
Chelsea International Image Not Found
author avatar अभियान संवाददाता

भदौ २७, काठमाडौं । साताको पहिलो कारोबार दिन आइतवार बजार अघिल्लो कारोबार दिनको तुलनामा ७१ दशमलव ४३ अंकले बढेको छ । 

यस दिन कारोबारमा आएका २३१ ओटा कम्पनीमध्ये १५ ओटा धितोपत्रको शेयरमूल्यमा उच्च दरले वृद्धि भएको हो । 

नेशनल हाइड्रोपावर कम्पनी,राष्ट्रिय बीमा कम्पनी,फष्र्ट माइक्रोफाइनान्स,अपि पावर कम्पनी, अरुण काबेली पावर, छ्याङदी हाइड्रोपावर,पाँचथर पावर कम्पनी,लिवर्टी इनर्जी कम्पनी, राष्ट्रिय बीमा कम्पनीको संस्थापक शेयर र सानिमा लाइफ इन्स्योरेन्सको शेयरमूल्य १० प्रतिशतका दरले वृद्धि भएको छ । 

त्यसैगरी हिमालयन पावर पार्टनरको शेयर मूल्य अघिल्लो कारोबार दिनको तुलनामा आइतवार ९ दशमलव ९८ प्रतिशत,सिनर्जी पावर डेभलपमेण्ट कम्पनीको ९ दशमलव ७९ प्रतिशत,ङादी ग्रुप पावरको ९ दशमलव ६२ प्रतिशत,शिवश्री हाइड्रोपावरको ९ दशमलव ६० प्रतिशत र नेपाल हाइड्रो डेभलोपर्सको शेयर मूल्य ९ दशमलव ११ प्रतिशतका दरले वृद्धि भएको छ ।

ती १५ ओटै कम्पनीको शेयरमा विक्रेताभन्दा क्रेता धेरै भएकाले शेयरमूल्य बढेको हो । नेपाल हाइड्रो डेभलोपरको शेयरमूल्य प्रतिकित्ता रू.६८३, शिवश्री हाइड्रोपावरको रू.४७० दशमलव २०,ङादी ग्रुप पावरको रू. ८५५  र सिनर्जी पावरको शेयरमूल्य रू.६१७ पुगेको हो । 

त्यसैगरी नेशनल हाइड्रोपावरको शेयर मूल्य रू.४६७ दशमलव ५०,राष्ट्रिय बीमा कम्पनीको रू. २० हजार १३२ दशमलव २०,फष्र्ट माइक्रोफाइनान्सको रू. १ हजार ११७ दशमलव ६०,अपि पावरको रू. ५४४ दशमलव ६०,अरुण काबेलीको रू. ६५५ दशमलव ६०,छ्याङदी हाइड्रोपावरको रू. ६२५ दशमलव ९० पुगेको छ ।

यसैगरी पाँचथर पावरको रू. ५४२ दशमलव ३०,लिवर्टी इनर्जीको रू. ४५९ दशमलव ८०,सानिमा लाइफ इन्स्योरेन्सको रू. ६०१ दशमलव ८० र हिमालयन पावर पार्टनको शेयरमूल्य प्रतिकित्ता रू. ६४३ दशमलव ६० पुगेको हो ।  योदिन अधिकांश जलविद्युत कम्पनीको शेयर उच्च दरमा वृद्धि भएको छ ।

 जलविद्युत् समूहको परिसूचक ६ दशमलव ३७ प्रतिशत बढेको छ । केही समय अगाडि ३ हजार २०० को आसपासमा बजार पुगेर आरोलो लागेको थियो । घटेको बजारमा पुन : खरीदकर्ता आकर्षित हुँदा पनि आइतवार बजार बढेको देखिन्छ ।

त्यसोत जलविद्युत् समूहको परिसूचक ३ हजार ३०३ दशमलव २५ को विन्दुबाट बलियो टेवा पाएर बढेको बजार विश्लेषकले बताएका छन् । 
 

प्रतिक्रिया [0]
प्रतिक्रिया दिनुहोस्