ई –पेपर | विज्ञापन | ग्राहक बन्नुहोस | Podcast | Newbiz
arthik abhiyan
Real Dabur NepalApache RTR 200 ABS

ताप्लेजुङको मौवाटारमा बीओपी भवन निर्माण

२०७८ भदौ, ३०  
प्रदेश ०१
Chelsea International NA

ताप्लेजुङ । ताप्लेजुङको उत्तरी सीमावर्ती गाउँ ओलाङ्चुङ्गोलामा स्थापित सशस्त्र प्रहरी बल बोर्डर आउट पोष्ट (बीओपी)को कार्यालय भवन निर्माण अन्तिम चरणमा पुगेको छ । चीनको स्वशासित क्षेत्र तिब्बतसँग सीमा जोडिएको मौवाटारमा बीओपीको कार्यालयसहितका संरचना तयार हुन लागेको हो ।  
   
फक्ताङ्लुङ गाउँपालिका–७ ओलाङ्चुङगोलामा अवस्थित सो बीओपी गत वर्ष स्थापना गरिएको थियो । हिमालयन कन्स्ट्रक्सनले अहिले कार्यालय भवनलगायतका संरचना निर्माण गर्दै आएको छ । गत जेठ दोस्रो साता भ्याटसहित करिब ९८ लाख बजेटमा योजना सम्झौता गरी संचरना निर्माण गर्दै आएको निर्माण कम्पनीले बताएको छ ।     

आगामी असोज मसान्तभित्र काम सम्पन्न गर्ने गरी योजना सम्झौता गरेर काम शुरू गरेको र हाल अन्तिम चरणमा पुगेको निर्माण कम्पनी प्रमुख इन्द्र केदेमले जानकारी दिए । उनका अनुसार सभाहलसहितको कार्यालय भवन, भान्सा घर, शौचालय लगायत संरचना निर्माण गरिएको छ । सबै संरचना निर्माण करिब ९५ प्रतिशत सम्पन्न भएको उनले बताए ।

बीओपी स्थापना गरिएको ठाउँ मौवाटार ४ हजार २०० मिटरको उचाइमा पर्दछ । मौवाटार ओलाङ्चुङगोला बस्तीदेखि १२ किलोमिटर दूरीमा उत्तरतर्फ पर्दछ भने त्यहाँदेखि तिब्बतसँग सिमाना टिपताला भञ्ज्याङ (५ हजार २०० मिटर उचाइ) पनि करीब १२ किमीकै दूरीमा पर्दछ । संरचना बनिनसकेकाले बीओपीका लागि खटेका सशस्त्र प्रहरी टोली भने हाल ओलाङ्चुङगोलामा बस्दै आएको छ । दुई देशको सीमा क्षेत्रमा स्थापना गरिएको बीओपीमा सशस्त्र प्रहरी निरीक्षकको नेतृत्वमा ५० जनशक्ति रहने बताइएको छ । रासस

प्रतिक्रिया [0]
प्रतिक्रिया दिनुहोस्