ई –पेपर | विज्ञापन | ग्राहक बन्नुहोस | Podcast
arthik abhiyan
Real Dabur NepalApache RTR 200 ABS

हेटौंडा सिमेन्टको मूल्य घट्यो

२०७८ असोज, ११  
बजार
NA

हेटौंडा । सिमेन्ट उत्पादन तथा विक्री गर्दै आएको सरकारी स्वामित्वको हेटौंडा सिमेन्ट उद्योगले सिमेन्टको मूल्य घटाएको छ । निजीक्षेत्रका सिमेन्ट उद्योगसँग प्रतिस्पर्धा गर्न अहिले उत्पादित ओपीसी प्रतिबोरा ४७ घटाएर ७०२ रुपैयाँमा विक्री गर्ने निर्णय गरिएको उद्योगका महाप्रबन्धक प्रेमशंकर सिंहले जानकारी दिए । यसअघि प्रतिबोरा ७४७ मा सिमेन्ट विक्री हुँदै आएको थियो । निजीक्षेत्रबाट सञ्चालित यस क्षेत्रका सिमेन्ट उद्योगले सिमेन्टको विक्री मूल्य कम गरेकाले हेटौंडा सिमेन्टले पनि मूल्य घटाएको उद्योग प्रशासनले बताएकोे छ । अब मासिक रूपमा बजारको माग र उत्पादनको आधारमा निजी क्षेत्रका उद्योगले निर्धारण गरेको मूल्यसँग प्रतिस्पर्धा गर्नेगरी मूल्य तोकिने बताइएको छ ।     

हेटौंडामा रहेको ऋद्धिसिद्धि सिमेन्ट उद्योगले ओपीसी प्रतिबोरा  ७०० र शिवम् सिमेन्ट उद्योगले प्रतिबोरा ६८० कायम गरी विक्री गर्दै आएका छन् । यस उद्योग गत र अघिल्लो आर्थिक वर्षमा कोरोना महामारीका कारण लक्ष्यअनुसार उत्पादन र विक्री गर्न नसकी घाटामा परेको महाप्रबन्धक सिंहको भनाइ थियो । प्राप्त जानकारी अनुसार यस उद्योगलाई आर्थिक वर्ष २०७६÷७७ मा २४ करोड र २०७५÷७६ मा १६ करोड रुपैयाँ घाटा परेको थियो । रासस

प्रतिक्रिया [0]
प्रतिक्रिया दिनुहोस्