ई –पेपर | विज्ञापन | ग्राहक बन्नुहोस | Podcast
arthik abhiyan
Real Dabur NepalApache RTR 200 ABS

सम्झौतानुसार काम नगर्ने ७ ओटा निर्माण कम्पनी कालोसूचीमा      

२०७८ असोज, १९  
समाचार
Image Not Found

असोज १९,  काठमाडौं । सात ओटा निर्माण कम्पनी कालोसूचीमा परेका छन् ।

सम्झौतानुसार निर्माण सम्पन्न नगरेको भन्दै सार्वजनिक खरीद अनुगमन कार्यालयले मंगलवार एक सूचना जारी गरी कालोसूचीमा राखिएको बताएको हो ।कार्यालयले सार्वजनिक गरेको सूचनानुसार सार्वजनिक खरिद ऐन, २०६३ को दफा ६३ को उपदफा ९१० बमोजिम मंगलवारदेखि लागू हुनेगरी ती निर्माण कम्पनीलाई एक वर्षदेखि तीनवर्ष सम्मका लागि कालोसूचीमा राखिएको हो ।     
     
विशालनगरस्थित सडक विभाग आयोजना निर्देशनालयको सिफारिसमा भारतको महाराष्ट्रस्थित एमएस इण्डो इञ्जिनीयरिङ प्रोजेक्ट कर्पोरेसन तीन वर्षसम्मका लागि र नागार्जुन नगरपालिकाको सिफारिसमा काठमाडौंको ल्यान्ड्रिङ निर्माण सेवा दुई वर्षसम्मका लागि कालोसूचीमा परेका छन् ।

यस्तै विपीन भेट सेन्टर, रुपन्देहीको कक्षपति निर्माण सेवा, काठमाडौंको रचना ट्रेड इन्टरनेशनल, धादिङको नीलकण्ठ निर्माण सेवा एण्ड सप्लायर्स र भरतपुरको एडभेन्चर/ दि आनन्द जेभी एक/ एक वर्षका लागि कालोसूचीमा परेका छन्।     
     
कालोसूचीमा परेका कम्पनीले तोकिएको अवधिभर सरकारी निकायको कुनै पनि खरीद तथा निर्माणका कार्यमा भाग लिन पाउने छैनन् । कालोसूचीमा पर्नुभन्दा अगाडि सम्झौता भएका कार्य भने निरन्तर हुने कार्यालयले बताएको छ ।रासस

प्रतिक्रिया [0]
प्रतिक्रिया दिनुहोस्