ई –पेपर | विज्ञापन | ग्राहक बन्नुहोस | Podcast
arthik abhiyan
Real Dabur NepalApache RTR 200 ABS

१८.५३ अंकले घट्यो नेप्से, रू.४ अर्ब ४९ करोड बराबरको शेयर खरीदविक्री 

२०७८ असोज, २४  
लगानी नेप्से विश्लेषण
Image Not Found
author avatar अभियान संवाददाता

असोज २४, काठमाडौं । साताको पहिलो कारोबार दिन नेप्से परिसूचक अघिल्लो कारोबार दिनको तुलनामा १८ दशमलव ५३ अंक अर्थात् शून्य दशमलव ६९ प्रतिशत घटेको छ । 

यो दिन नेप्से परिसूचक २ हजार ६६२ दशमलव ५८ विन्दुमा पुगेको हो । साताको पहिलो कारोबार दिन कारोबारमा आएका २२० ओटा धितोपत्रको ७२ लाख ५१ हजार ७४४ कित्ता शेयर रू.४ अर्ब ४९ करोड ८० लाख ४३ हजार बराबरमा खरीदविक्री भएको हो । 

यो दिन कारोबारमा आएका २२० ओटा धितोपत्रमध्ये सपोर्ट माइक्रोफाइनान्सको शेयरमूल्य अघिल्लो कारोबार दिनको तुलनामा १० प्रतिशतले वृद्धि भएको छ । कम्पनीको शेयरमूल्य प्रतिकित्ता रू. २ हजार ७८७ दशमलव ८० पुगेको हो । 

त्यसैगरी मैलुङ खोला जलविद्युत् कम्पनीको शेयरमूल्य अघिल्लो कारोबार दिनको तुलनामा ९ दशमलव ९८ प्रतिशतका दरले वृद्धि भएको छ । त्यसैगरी यो दिन शेयरमूल्य घट्नेमा सबैभन्दा बढी शिवम् सिमेन्टको रहेको छ । कम्पनीको शेयरमूल्य अघिल्लो कारोबार दिनको तुलनामा ६ दशमलव ४६ प्रतिशतले घटेको हो । कम्पनीको शेयरमूल्य प्रतिकित्ता रू. १ हजार ३३२ मा झरेको हो । 

त्यस्तै यो दिन सर्वाधिक शेयर खरीदविक्री हुनेमा महिला लघुवित्त वित्तीय संस्था रहेको छ । उक्त कम्पनीको रू. १८ करोड ९३ लाख ४९ हजार बराबरको शेयर खरीदविक्री भएको छ । कम्पनीले ५० प्रतिशत लाभांश वितरण गर्ने प्रस्ताव  आइतवार घोषणा गरेसँगै सर्वाधिक शेयर खरीदविक्री भएको हो । कम्पनीले ४५ प्रतिशत बोनस शेयर र ५ प्रतिशत नगद लाभांश करसमेत गरेर कुल ५० प्रतिशत लाभांश वितरण गर्ने प्रस्ताव गरेको छ । 

कारोबारमा आएका १३ ओटा समूहगत परिसूचकमध्ये वित्त समूहको परिसूचक शून्य दशलमव २९ प्रतिशत,जीवन बीमा समूहको शून्य दशमलव ५ प्रतिशत र म्युचुअल फण्ड समूहको परिसुचक शून्य दशमलव ७६ प्रतिशत वृद्धि भएको छ भने बाँकी समूहको परिसूचक घटेको छ । 

सबैभन्दा बढी उत्पादन तथा प्रशोधन समूहको परिसुचक ३ दशमलव १६ प्रतिशत,बैकिङ समूहको परिसुचक शून्य दशमलव ३४ प्रतिशत,ब्यापार समूहको शून्य दशमलव ४७ प्रतिशत,होटल एण्ड टुरजिमको १ दशमलव १९ प्रतिशत,हाइड्रोपावर समूहको १ दशमलव १८ प्रतिशत,निर्जीवन बीमा समूहको शून्य दशमलव ४४ प्रतिशत,अन्य समूहको १ दशमलव ५९ प्रतिशत,लघुवित्त समूहको शूून्य दशमलव ८५ प्रतिशत र लगानी समूहको परिसूचक शून्य दशमलव ७१ प्रतिशतका दरले घटेको हो ।

 यो दिन बजार शुरुमा बढेको थियो । बढेको बजारमा नाफा बुक गर्ने लगानीकर्ताहरु हावी हुँदा बजार घटेको देखिन्छ । यसभन्दा अघिल्लो कारोबार दिन बुधवार बजार ६८ दशमलव ४७ अंकले बढेको थियो । विभिन्न कम्पनीहरुले लाभांश घोषणा गर्न थालेका छन् । यसकारण पनि यो समय लाभांशको सिजन हो । 

राम्रो लाभांश दिइरहेका र वित्तीय अवस्था राम्रो भएका कम्पनीहरुमा लगानी गरेमा राम्रो प्रतिफल प्राप्त हुने भएकाले लगानीकर्ताहरुले त्यसतर्फ ध्यान दिने आवश्यक रहेको एक जना लगानीकर्ताले बताएका छन् । 
 

प्रतिक्रिया [0]
प्रतिक्रिया दिनुहोस्