ई –पेपर | विज्ञापन | ग्राहक बन्नुहोस | Podcast
arthik abhiyan
Apache RTR 200 ABS

वासिङ मेसिन किन्दै हुनुहुन्छ ?

यी विषयमा दिनुस् ध्यान

२०७८ कार्तिक, २६  
अभियान परिशिष्ट (सप्लिमेन्ट)
Image Not Found
author avatar अभियान संवाददाता

काठमाडौं । जाडो होस् वा गर्मी । लुगा धुन सजिलोका लागि वासिङ मेसिन दैनिकीमा महत्वपूर्ण साधनका रूपमा प्रयोग हुँदै आएको छ । कामकाजी र बलियो आर्थिक स्रोत भएकाहरूका लागि लुगा धुन र सुकाउन पछिल्लो समय नेपालमा पनि वासिङ मेसिन प्रयोग गर्ने उपभोक्ता बढ्दै गएका छन् । वासिङ मेसिन किन्नुअघि केही महत्वपूर्ण विषयबारे जानकारी राख्नु राम्रो हुन्छ ।

सामान्यतया वासिङ मेसिन ५ केजीदेखि २४ केजी तौलसम्मका बजारमा पाइने गर्छन् । यद्यपि हामीले आफ्नो परिवारको संख्याका आधारमा वासिङ मेसिनको साइज छानेर किन्नुपर्ने हुन्छ । यदि परिवार संख्याको आधारमा साइज भएन भने सानो वा ठूलो पर्न सक्ने डर हुन्छ । ३÷४ जनासम्म परिवार संख्या छ भने ६ केजी, ७ जनासम्म परिवार सदस्य भए ७ केजी र त्योभन्दा माथि परिवारको संख्या भए परिवारको आकारअनुसार आफ्नो आवश्यकतालाई ध्यानमा राख्दै बढी तौलका वासिङ मेसिन खरिद गर्न सकिन्छ ।
मेसिनको आकारअनुसार कति मात्रामा लुगा धुन सकिन्छ भन्ने कुरा निर्धारण हुन्छ । पानीमा भिजेको कपडाको तौल बढी हुने भएकाले भिजेको कपडाभन्दा सुक्खा कपडाको तौल अन्दाज गरेर मेसिनमा राख्नुपर्दछ ।

ब्रान्ड, आकार र वासिङ मेसिनमा भएका विशेषताअनुसार यसको मूल्य निर्धारण गरिएको हुन्छ । नेपाली बजारमा सिजी, एलजी, सामसुङ, बाल्ट्रालगायत २६ हजारदेखि ९० हजार रुपैयाँसम्म पर्ने वासिङ मेसिन उपलब्ध छन् । सेमिअटोमेटिक र अटोमेटिक गरी बजारमा दुई प्रकारका वासिङ मेसिन खरिद गर्न सकिन्छ । कपडा धुनुका साथै सुकाउनसमेत सहयोगी हुने भएकाले आजभोलि बजारमा उपभोक्ताको पहिलो रोजाइमा अटोमेटिक वासिङ मेसिन पर्ने गरेका छन् । यसले विद्युत् खपत पनि सेमिअटोमेटिकको भन्दा कम गर्दछ ।

प्रतिक्रिया [0]
प्रतिक्रिया दिनुहोस्