ई –पेपर | विज्ञापन | ग्राहक बन्नुहोस | Podcast |
arthik abhiyan
Apache RTR 200 ABS

१० ओटा क्यासिनोलाई सलामी तथा नवीकरण दस्तुर बुझाउन निर्देशन, नबुझाए इजाजतपत्र रद्द हुने       

२०७८ पौष, २३  
समाचार
Image Not Found
फाइल फोटो
author avatar अभियान संवाददाता

पुस २३, काठमाडौं । पर्यटन विभागले विभिन्न क्यासिनो कम्पनीलाई पुस मसान्तभित्र सलामी तथा नवीकरण दस्तुर बुझाउन निर्देशन दिएको छ ।

विभागले शुक्रवार सार्वजनिक सूचना जारी गर्दै सलामी र नवीकरण दस्तुर नबुझाउने १० ओटा क्यासिनो कम्पनीलाई  आगामी मसान्तभित्र उक्त रकम बुझाउन समयावधि तोकेको हो । 

विभागले  ती कम्पनीहरुलाई आव २०७७/ ०७८ को इजाजत पत्र नवीकरण दस्तुर र आव  २०७८/ ०८९ को लागि तोकिएको रोयल्टी रकम तथा इजाजत नवीकरण दस्तुर अविलम्ब दाखिला गर्न भनेको हो ।
     
 आबं २०७६/ ०७७ सम्म नियमित रुपमा रोयल्टी रकम दाखिला गरेको र नवीकरणका लागि २०७८ पुस समान्तभित्र दाखिला नगरेमा आर्थिक ऐन, २०७८ को दफा १६ (४) बमोजिम थप शुल्क तथा वार्षिक थप शुल्क लाग्ने छ ।

साथै समयमा नवीकरण नभएका कम्पनीको हकमा क्यासिनो नियमावलीमा व्यवस्था भएबमोजिम इजाजत पत्र रद्द हुने पनि विभागले बताएको छ ।     
     
 रोयल्टी र नवीकरण दस्तुर नबुझाउने कम्पनीहरुमा होटल सांग्रीलाको एसएचएल म्यानेजमेन्ट सर्भिसेस प्रालि, तारागाउँ रिजेन्सी होटल परिसरको प्राइड इन्टरटेनमेन्ट, होटल डेला अन्नपूर्णको एटलान्टिक रिक्रिययसन, मल्ल होटल परिसरको बेल्लिज नेपाल र एभरेष्ट हस्पिटालिटी एण्ड होटलको डेल्टइन नेपाल प्रालि छन् ।

 त्यस्तै होटल टाइगर रुपन्देहिको एसएचएल म्यानेजमेन्ट सर्भिसेज, भ्यू होटल सिचद्धार्थ परिवारले चलाएको ज्याकपट गेमिङ सेन्टर, बाराको इच्चा होटलमा रहेको स्माइल कलेक्सन, होटल सोल्टी थिवक्रिम होटेल्स तथा रिसोर्टस् काँकेको इम्पेरियल इन्टरनेश्नल र काठमाडौंको सोल्टी होटलमा सञ्चालित माजोङ इन्टरटेनमेन्ट प्रालि छन् ।

प्रतिक्रिया [0]
प्रतिक्रिया दिनुहोस्