ई –पेपर | विज्ञापन | ग्राहक बन्नुहोस | Podcast |
arthik abhiyan
Apache RTR 200 ABS

आहा ! रारा गोल्डकप फुटबलको २०औं संस्करण माघ पहिलो सातादेखि      

२०७८ पौष, २६  
खेल विविध गण्डकी प्रदेश
Image Not Found

पुस २६, कास्की । मोफसलको प्रतिष्ठित राष्ट्रिय तथा अन्तरराष्ट्रिय अन्तर क्लब आमन्त्रित आहा ! रारा गोल्ड कप फुटबल प्रतियोगिताको २०औं संस्करण आगामी माघ ६ देखि १५ गतेसम्म पोखरा रङ्गशालामा हुने भएको छ ।     
     
 ‘खेलकूद विकासमा सहकार्य गरौं, पोखरालाई खेलकुद पर्यटन सहरका रुपमा स्थापित गरौं’ भन्ने उद्देश्यका साथ सहारा क्लब पोखराद्वारा आयोजित सो प्रतियोगितामा नेपालका ‘ए’ डिभिजन क्लब, आयोजक सहारा र एक विदेशीसहित १० ओटा टोलीको सहभागिता रहने सोमवार आयोजित पत्रकार सम्मेलनमा जानकारी दिइएको छ ।     
     
 प्रतियोगितामा नेपालका ‘ए डिभिजन क्लब’ सङ्कटा फुटबल क्लब, मछिन्द्र क्लब, मनाङ मस्र्याङ्दी क्लब, नेपाल पुलिस क्लब, हिमालयन शेर्पा क्लब, रुस्लान थ्रिस्टार क्लब, त्रिभुवन आर्मी क्लब, नेपाल एपिएफ क्लब, विवाइएससी मिनेसोटा अमेरिका र सहारा क्लब पोखराको सहभागिता रहने क्लबका अध्यक्ष हरिराम गुरुङले जानकारी दिए ।     
     
 अघिल्लो संस्करण नेपालको ए डिभिजन क्लब सङ्कटाले उपाधि जितेको थियो भने उपविजेता अफ्रिकन रुट एशोसिएशन डाउल्ला, क्यामरुन रहेको थियो । विसं २०५५ मा स्थापना भएको सहारा क्लबले आयोजना गर्ने यो प्रतियोगितालाई पोखराको पर्यायवाचीका रुपमा लिने गरिन्छ । यस प्रतियोगितालाई पहिलो संस्करणदेखि नै मुख्य प्रायोजकका रुपमा बहुचर्चित मोफसलको व्यापारिक प्रतिष्ठान हिमश्री फुड्स प्रालीको उत्पादन आहा तथा रारा तयारी चाउचाउले गरेको छ ।     
     
 प्रतियोगितामा कुल अनुमानित आम्दानी १ करोड ३६ लाख १ हजार रुपैयाँ र अनुमानित खर्च १ करोड ६ लाख ४८ हजार ५०० रुपैयाँ रहेको क्लबले बताएको छ । क्याराभान गोल्ड कपसहित यो प्रतियोगिता २१ वर्षदेखि निरन्तर सञ्चालित छ । प्रतियोगिताबाट बचत रकम क्लबद्वारा सञ्चालित ‘सूर्यबहादुर केसी’ स्मृति सहारा फुटबल एकेडेमीमा खर्च गरिंदै आएको क्लबका महासचिव रामजीप्रसाद अधिकारीले जानकारी दिए।     
     
 हाल तेस्रो व्याचका रुपमा सो एकेडेमीमा १४ ओटा जिल्लाका २४ जना बालक आश्रित छन् । विसं २०६१ देखि आश्रित बालकको भरणपोषण आवासीयरुपमा निःशुल्क स्वास्थ्य, शिक्षालगायत फुटबल प्रशिक्षणलगायतका कार्य क्लबले गर्दै आएको छ । एकेडेमीको सञ्चालनको मुख्य स्रोत नै प्रतियोगिता रहेको छ ।     
     
 गत वर्ष सम्पन्न प्रतियोगिताबाट कुल आम्दानी ७६ लाख ५० हजार ६४७ रुपैयाँ र खर्च  ६३ लाख १ हजार १९९  रुपैयाँ भएको तथा १३ लाख ४९ हजार ४४७  रुपैयाँ बचत भएको कार्यक्रममा जानकारी दिइएको थियो । रासस

प्रतिक्रिया [0]
प्रतिक्रिया दिनुहोस्

   

Riddhi Siddhi Cement