ई –पेपर | विज्ञापन | ग्राहक बन्नुहोस | Podcast |
arthik abhiyan
Apache RTR 200 ABS

सेन्ट्रल फाईनान्सको ११ % लाभांश पारित

२०७८ माघ, १  
लगानी
Image Not Found
author avatar अभियान संवाददाता

माघ १, काठमाडौं । सेन्ट्रल फाईनान्स लिको २५ औं वार्षिक साधारण सभा शुक्रवार सम्पन्न भएको छ ।

सभाले आर्थिक वर्ष २०७७/ ७८ को नाफाबाट शेयरधनीहरुलाई ७ दशमलव ७ प्रतिशत बोनश शेयर र ३ दशमलव ३ प्रतिशत नगद लाभांश दिने निर्णय पारित गरेको छ ।

नेपाल राष्ट्र बैंकबाट ‘ग’ वर्गको इजाजत पत्र प्राप्त वित्तीय संस्थाको रुपमा विगत २४ वर्षदेखि बैंकिङ्ग सेवा दिंदै आएको कम्पनीले देशका विभिन्न भागमा १४ ओटा शाखा र भक्तपुरको सल्लाघारीमा एउटा एक्सटेन्सन काउण्टर सञ्चालन गरिरहेको र कम्पनीले छिट्टै नै झापाको बिर्तामोड र रुपन्देहीको भैरहवामा नयाँ शाखा सञ्चालनमा ल्याउने गरी तयारी गरिरहेको प्रमुख कार्यकारी अधिकृत रजोज मान श्रेष्ठले बताए ।

कम्पनीले डेबिट कार्ड, एसएमएस बैंकिङ्ग, चेक क्लियरिङ्ग, आईपीएस, कनेक्ट आईपीएस, रेमिट्यान्स तथा सी–आस्वा जस्ता आधुनिक बैंकिङ्ग सेवा प्रदान गर्दै आएको छ । 

उनले साधारण सभाबाट पारित ७ दशमलव ७ प्रतिशत बोनस शेयरपछि कम्पनीको चुक्तापूँजी ९४ करोड ८८ लाख ७५ हजार रुपैयाँ, निक्षेप ५ अर्ब ८२ करोड ५७ लाख ४८ हजार रुपैयाँ र कर्जा लगानी  ५ अर्ब १ करोड २२ लाख ६२ हजार रुपैयाँ रहेको बताए ।

प्रतिक्रिया [0]
प्रतिक्रिया दिनुहोस्

   

Riddhi Siddhi Cement