लुम्बिनी विकास बैंकद्वारा ऋणपत्र निष्कासनका लागि विक्री प्रबन्धकमा नबिल इन्भेष्टमेन्ट बैंकिंग नियुक्त

अभियान संवाददाता

वैशाख २८, काठमाडौं । लुम्बिनी विकास बैंकले  ११ प्रतिशत  एल.बि.बि.एल डिबेञ्चर २०८९ नामक ऋणपत्र जारी गर्न नबिल इन्भेष्टमेन्ट बैंकिंगलाई विक्री प्रबन्धकमा नियुक्त गरेको छ ।

कम्पनीले  १ हजार रुपैयाँ अंकित दरको १० लाख कित्ताले हुन आउन १ अर्ब रुपैयाँ बराबरको ऋणपत्र जारी गर्ने तयारी गरिरहेको छ । उक्त ऋणपत्रको अवधि १० वर्ष रहेको र ब्याजदर भने ११ प्रतिशत  रहेको छ । 

उक्त कार्यका लागि सम्झौतामा कम्पनीका तर्फबाट नायव प्रमुख कार्यकारी अधिकृत उमेश रेग्मी र नबिल इन्भेष्टमेन्ट बैंकिंगको तर्फबाट प्रमुख कार्यकारी अधिकृत मनिष नारायण जोशीले बुधवार हस्ताक्षर गरेका हुन् । प्रस्तावित ऋणपत्र नियमनकारी निकायहरुकोे स्विकृति पश्चात निश्कासन हुनेछ ।
 

प्रतिक्रिया [0]