ई –पेपर | विज्ञापन | ग्राहक बन्नुहोस | Podcast |
arthik abhiyan
Tvs Raider

पशुपक्षीका औषधि आयातमा दुई अर्ब

२०७९ बैशाख, ३०  
१० वर्ष अघि
NA

नेपालले पशुपक्षीका लागि आवश्यक औषधिमा वार्षिक २ अर्ब रुपैयाँ खर्चिने गरेको छ । नेपालमा खपत हुने पशुपक्षीका औषधि आयातमा झन्डै ५० प्रतिशत भारतबाट आयात हुने र २० प्रतिशतमात्र नेपालमा बन्ने गरेको नेपाल पशुपक्षी व्यवसायी संघका अध्यक्ष नवराज शर्मा तिमिल्सिनाले बताए । भारतपछि सबैभन्दा बढी औषधि हल्यान्डबाट आयात गरिन्छ । तिमिल्सिनाका अनुसार हल्यान्डबाट झन्डै १० प्रतिशत औषधि आयात हुन्छ । पोल्ट्री व्यवसायको विकाससँगै पशुपक्षीजन्य औषधिको बजार पनि बढ्दै गएको व्यापारीहरू बताउँछन् । फुडसप्लिमेन्ट (तौल बढाउने, दूध धेरै दिने, छिटो बढ्नका लागि प्रयोग हुने औषधि) को बिक्री पछिल्लो चरणमा निकै बढेर गएको छ । हाल नेपालमा सबैभन्दा बढी बिक्री फुड सप्लिमेन्टकै रहेको छ । त्यसपछि मात्र उपचारका लागि प्रयोग हुने औषधि बिक्री हुने गरेको तिमिल्सिना बताउँछन् । उपचारका लागि प्रयोग हुनेमा नाम्ले र जुकाको औषधि धेरै बिक्री हुने विशाल भेटेरिनरी डिस्ट्रिब्युटरका सञ्चालक कम्पोज बरालले बताए ।

नेपालमा बिक्री हुने औषधिमध्ये ८० प्रतिशत कुखुरापालनमा खपत हुँदै आएको छ । गाईभैंसी पालन कम हुँदै गएपनि तिनमा प्रयोग हुने औषधिको बिक्री भने घटेको बराल बताउँछन् । भ्याक्सिनको बिक्री तेस्रो स्थानमा र डिस इन्फेक्सन (एक चरणका कुखरा खोरबाट निकालेपछि नयाँ कुखुरा पाल्ने बेलामा छर्कन औषधि) औषधिका बिक्री चौथो स्थानमा रहेको छ । नेपालमा स्पेन, पाकिस्तान, बंगलादेश, साउदी अरब, फ्रान्सलगायतका देशबाट समेत औषधि आयात हुँदै आएको छ ।

वर्ष ५ अंक ५१, २०६७, भदौ ७–१३

Aarthik Abhiyan Viber Community
प्रतिक्रिया [0]

   

Riddhi Siddhi Cement