ई –पेपर | विज्ञापन | ग्राहक बन्नुहोस | Podcast |
arthik abhiyan
Tvs Raider

विन नेपाल लघुवित्तले आह्वान गर्‍यो सातौं वार्षिक साधारण सभा, लाभांश र एफपीओको प्रस्ताव 

२०७९ बैशाख, ३०  
लगानी
Image Not Found
author avatar अभियान संवाददाता

वैशाख ३०, काठमाडौं । विन नेपाल लघुवित्त वित्तीय संस्था लिमिटेडले जेठ २० गते सातौं वार्षिक साधारण सभा आह्वान गरेको छ । 

कम्पनीकाो वैशाख २९ गते बसेको सञ्चालक समितिको बैठकले सभा इन्द्रावती सामुदायिक सेवा केन्द्र, सिन्धुपल्चोकमा बिहान ११ बजे गर्ने निर्णय गरेको हो ।  

सभाले आर्थिक वर्ष २०७७/७८ को नाफाबाट शेयरधनीहरुलाई ९ दशमलव ३३ प्रतिशत बोनस शेयर कर प्रयोजनका लागि शून्य दशमलव ५ प्रतिशत नगद लाभांश वितरण गर्ने प्रस्ताव पारित गर्नेछ । साथै, बोनस वितरण पश्चात कायम हुने शेयरको अनुपातमा सर्वसाधारणको लागि एफपीओ जारी गर्न प्रवन्धपत्र संशोधन गर्ने रहेको छ ।

सभाको अन्य प्रस्तावमा कम्पनीको केन्द्रीय कार्यालयको स्थान परिवर्तन गर्ने र सो बमोजिम कम्पनीको प्रवन्धपत्र तथा नियमावलीमा संशोधन गर्ने, यस कम्पनी अन्य कुनै लघुवित्त कम्पनी एक आपसमा गाभ्ने गाभिन वा प्राप्ति गर्न उपयुक्त देखिएमा सो सम्बन्धी सम्पूर्ण कार्य गर्न सञ्चालक समितिलाई अख्तियारी दिने, कम्पनीको सञ्चालक समितिमा संस्थापकको तर्फबाट प्रतिनिधित्व गर्ने ४ जना र सर्वसाधारणको तर्फबाट प्रतिनिधित्व गर्ने २ जना सञ्चालकको निर्वाचन गर्ने समेत रहेको छ ।

Aarthik Abhiyan Viber Community
प्रतिक्रिया [0]

   

Riddhi Siddhi Cement