ई –पेपर | विज्ञापन | ग्राहक बन्नुहोस | Podcast |
arthik abhiyan
Tvs Raider

नेपाल डेरी एशोसिएशनको राष्ट्रिय महाधिवेशन असार १० र ११ गते हेटौंडामा 

२०७९ असार, ४  
समाचार
Image Not Found
author avatar अभियान संवाददाता

असार ४, काठमाडौं  । नेपाल डरी एशोसिएशनको २२ औं वार्षिक साधारण सभा एवं आठौंं राष्ट्रिय महाधिवेशन हेटौंडामा आगामी असार १० र ११ गते हुने भएको छ।

आयोजकका अनुसार असार १० गते हेटौंडा बजारमा जनचेतना जगाउने उद्देश्यले दूध सम्बन्धि जानकारी दिन लेखिएका प्लेकार्डसहित र्‍याली आयोजना गरिने छ भने अपरान्ह ३ बजे सभाको उद्घाटन हुनेछ । असार ११ गते बन्द सत्रसहित सभाले आगामी तीन वर्षका लागि नयाँ नेतृत्व समेत चयन गनै छ । 

यस पटक एशोसिएशनले देशभरिबाट आफ्ना सदस्यहरु आउने हुँदा राष्ट्रिय दुग्ध विकास बोर्डसँगको सहकार्यमा एक दिने डेरी मेलासमेत सोही स्थानमा असार १० गते बिहान १० बजेदेखि ४ बजेसम्म आयोजना गर्ने तयारी गरेको छ । मेलामा विद्यालयका विद्यार्थी एवं स्थानीयलाई सहभागी गराइने छ ।

सभामा  मुलुकभरीबाट करीब २५० जना डेरी उद्योगीहरुको उपस्थिति रहने एशोसिएशनका महासचिव प्रल्हाद दाहालले बताए । अधिवेशनको तयारी लगभग सकिएको पनि आयोजकले बताएको छ ।

Aarthik Abhiyan Viber Community
प्रतिक्रिया [0]

   

Nepali PatroRiddhi Siddhi Cement
x