सुनको मूल्य घट्यो, चाँदी बढ्यो

साउन ११, काठमाडौं। स्थानीय बजारमा  बुधवार सुनको मूल्य प्रततोला २०० रुपैयाँले घटेको छ । 

सुनचाँदी व्यवसायी महासंघका अनुसार बुधवार सुनको मूल्य प्रतितोला ९४ हजार  रुपैयाँ कायम भएको छ ।  अघिल्लो कारोबार दिन अर्थात् मंगलवार सुनको मूल्य प्रतितोला  ९४  हजार २०० रुपैयाँमा कारोबार भएको थियो ।

यस्तै, आज चाँदीको मूल्य भने बढेको छ। चाँदी प्रतितोला ५ रुपैयाँले बढेर १ हजार १५५ रुपैयाँ कायम भएको हो । अघिल्लो दिन चाँदी १ हजार १५० रुपैयाँमा किनबेच भएको थियो ।

त्यस्तै, अन्तरराष्ट्रिय बजारमा पनि सुनको मूल्य घटेको छ । आज न्यूयोर्क मर्कन्टाइल एक्सचेञ्जको कोमेक्स डिभिजनमा स्पट गोल्डको मूल्य प्रतिऔंस १ हजार ७१५ दशमलव ७ डलर पुगेको छ ।

आज डलर को मूल्य बढेको छ ।   एक अमेरिकी डलरको विक्रीदर १२७ रुपैयाँ ९६ पैसा कायम भएको छ । अघिल्लो  दिन‌  एक अमेरिकी डलरको विक्रीदर १२७ रुपैयाँ ८८ पैसा  थियो ।

प्रतिक्रिया [0]