सुनको मूल्य बढ्यो, चाँदी स्थिर

अभियान संवाददाता

साउन १७, काठमाडौं । स्थानीय बजारमा आज सुनको मूल्य तोलामा २०० रूपैयाँले बढेको छ । नेपाल सुनचाँदी व्यावसायी महासंघका अनुसार आज सुनको मूल्य प्रतितोला ९४ हजार ६०० रूपैयाँ कायम भएको छ । सोमवार सुनको मूल्य प्रतितोला ९४ हजार ४०० रूपैयाँमा कारोबार भएको थियो ।

आज चाँदीको मूल्य भने स्थिर रहेको छ।  चाँदी प्रतितोला  १ हजार २२० रूपैयाँ कायम भएको छ । अघिल्लो दिन पनि चाँदी १ हजार २२० रूपैयाँमा किनबेच भएको थियो ।

अन्तरराष्ट्रिय बजारमा पनि यो दिन सुनको मूल्य घटेको छ ।  न्यूयोर्क मर्कन्टाइल एक्सचेञ्जको कोमेक्स डिभिजनमा स्पट गोल्डको मूल्य प्रतिऔंस १ हजार ७७३ दशमलव ०४ डलर पुगेको छ ।

मंगलवार डलरको मूल्य भने घटेको छ । एक अमेरिकी डलरको विक्रीदर १२६ रूपैयाँ ७४ पैसा कायम भएको छ । अघिल्लो दिन‌ एक अमेरिकी डलरको विक्रीदर १२७ रूपैयाँ ११ पैसा थियो ।
 

प्रतिक्रिया [0]