ई –पेपर | विज्ञापन | ग्राहक बन्नुहोस | Podcast |
arthik abhiyan
Tvs Raider

साढे ६४ करोडभन्दा बढी नाफा कमाएको शाइन रेसुङ्गा डेभलपमेण्ट बैंकको वितरणयोग्य नाफा ४७ करोडभन्दा बढी 

२०७९ साउन, २०  
लगानी
Image Not Found
author avatar अभियान संवाददाता

साउन २०, काठमाडौं । शाइन रेसुङ्गा डेभलपमेण्ट बैंकले गत आवको चौथो त्रैमासिक वित्तीय विवरण शुक्रवार सार्वजनिक गरेको छ । उक्त वित्तीय विवरण अनुसार कम्पनीको खुद नाफा अघिल्लो आवको चौथो त्रैमासको तुलनामा गत आवको सोही अवधिमा २८ प्रतिशत वृद्धि भएको छ ।

कम्पनीले अघिल्लो आवमा रू. ५० करोड ३७ लाख नाफा कमाएकोमा गत आवमा बढेर रू. ६४ करोड ५२ लाख पुगेको हो । गत आवमा कम्पनीको खुद ब्याज आम्दानी र सञ्चालन नाफामा वृद्धि भएसँगै खुद नाफा बढेको हो । अघिल्लो आवको तुलनामा गत आवमा कम्पनीको खुद ब्याज आम्दानी २४ प्रतिशत र सञ्चालन नाफा २८ प्रतिशत वृद्धि भएको छ । 

कम्पनीको चुक्तापूँजी रू. ३ अर्ब ७८ करोड रहेको छ भने गत आवको चौथो त्रैमाससम्ममा कम्पनीले जगेडामा रू. १ अर्ब १० करोड, रिटेण्ड अर्निङमा रू. ४७ करोड १८ लाख र शेयर प्रिमियममा रू. ५ करोड ५१ लाख सञ्चित गरेको हो । सो अवधिमा कम्पनीको नाफामा वृद्धि भएसँगै प्रतिशेयर आम्दानी पनि बढेको छ । अघिल्लो आवमा कम्पनीको प्रतिशेयर आम्दानी रू. १४ दशमलव ७७ रहेकोमा गत आवमा बढेर रू. १७ दशलमव ०७ कायम भएको हो ।

त्यसैगरी, कम्पनीको निष्क्रिय कर्जा पनि घटेको छ । अघिल्लो आवमा कम्पनीको निष्क्रिय कर्जा १ दशमलव २७ प्रतिशत रहेकोमा गत आवमा घटेर शून्य दशलमव ९६ कायम भएको छ ।

त्यस्तै, कम्पनीको मूल्य आम्दानी अनुपात २८ टाइम्स, तरलता अनुपात २६ दशमलव ८५ प्रतिशत र प्रतिशेयर नेटवर्थ रू. १४३ दशमलव ०३ रहेको छ । 

रिपाेर्ट हेर्न यहाँ क्लिक गर्नुस्

Aarthik Abhiyan Viber Community
प्रतिक्रिया [0]

   

Nepali PatroRiddhi Siddhi Cement