ई –पेपर | विज्ञापन | ग्राहक बन्नुहोस | Podcast |
arthik abhiyan
TvsBiz Bazar

लघुवित्तविरुद्धको संघर्ष समितिलाई कारबाही गर्न गृह मन्त्रालयको निर्देशन

२०७९ भदौ, ३  
समाचार
Image Not Found
author avatar अभियान संवाददाता

काठमाडौं । गृह मन्त्रालयले लघुवित्तविरुद्धको संघर्ष समितिलाई कारबाही गर्न निर्देशन दिएको छ । मन्त्रालयले विपन्न र उत्पीडित नागरिकको जीवनस्तर उकास्ने लघुवित्त संस्थाहरूप्रति भ्रामक र कपोकल्पित आरोप लगाई भ्रम छर्ने कार्य शुरू भएको भन्दै कारबाही गर्न निर्देशन दिएको हो ।

देशको प्रचलित कानून बमोजिम दर्ता भई नियामक निकायबाट स्वीकृति लिएर सञ्चालनमा रहेका लघुवित्त संस्थाहरूप्रति हाल केही व्यक्तिको समूहले सुनियोजित भ्रामक र कपोलकल्पित आरोप लगाएकाले सो किसिमका कार्य तत्काल बन्द गर्न समेत गृहले प्रहरी प्रधान कार्यालयलाई दिएको निर्देशनमा भनिएको छ ।

यसअघि नेपाल लघुवित्त बैंकर्स संघले लघुवित्त संस्थाहरूविरुद्ध संघर्ष समिति नामक समूहले सुनियोजित तवरले आन्दोलन गरी कार्यक्रममा अवरोध सृजना गर्ने, कपोलकल्पित आक्षेप लगाई अनर्गल प्रचार गर्ने र लघुवित्त कार्यक्रमलाई  धराशयी बनाउने प्रयास गरिरहेको भन्दै आवश्यक कारबाही गर्न गृह मन्त्रालयको ध्यानाकर्षण गराएको थियो ।

Neco insurance Limited
प्रतिक्रिया [0]

   

Nepali PatroRiddhi Siddhi Cement